કેરલમમાં વી.ડી. સતીશને લીધા CM પદના શપથ, 60 વર્ષ બાદ પૂર્ણ કેબિનેટે એકસાથે શપથ ગ્રહણ કર્યા

Kerala CM Oath Ceremony | કેરળ વિધાનસભા ચૂંટણી (Kerala Assembly Election 2026)માં લેફ્ટ ડેમોક્રેટિક ફ્રન્ટ (LDF) ની કારમી હાર સાથે જ રાજ્યમાંથી ડાબેરી શાસનની વિદાય થઈ છે. યુનાઇટેડ ડેમોક્રેટિક ફ્રન્ટ (UDF) એ રાજ્યની 140 બેઠકોમાંથી 102 બેઠકો પર ઐતિહાસિક જીત નોંધાવતા એક નવો રાજકીય અધ્યાય શરૂ કર્યો છે.

આ ભવ્ય વિજય બાદ કોંગ્રેસ (Congress) ના વરિષ્ઠ નેતા વી.ડી. સતીશને (VD Satheesan) આજે તિરુવનંતપુરમના સેન્ટ્રલ સ્ટેડિયમ (Central Stadium) ખાતે યોજાયેલા એક ઐતિહાસિક સમારોહમાં કેરળના નવા મુખ્યમંત્રી (Chief Minister) તરીકે પદ અને ગુપ્તતાના શપથ લીધા છે. તેમણે મલયાલમ (Malayalam) ભાષામાં શપથ ગ્રહણ કર્યા હતા.

60 વર્ષ બાદ પૂર્ણ મંત્રીમંડળની એકસાથે શપથવિધિ

આ શપથગ્રહણ સમારોહની સૌથી મોટી ખાસિયત એ રહી કે કેરલમના ઇતિહાસમાં 60 વર્ષ બાદ આખી કેબિનેટે (Cabinet) એકસાથે શપથ લીધા છે. મુખ્યમંત્રી વી.ડી. સતીશન ઉપરાંત 20 મંત્રીઓ ધરાવતા ‘પૂર્ણ કેબિનેટ’ને શપથ લેવડાવવામાં આવ્યા છે. આ નવા મંત્રીમંડળમાં અનુભવી અને યુવા ચહેરાઓનું અદ્ભુત સંતુલન રાખવામાં આવ્યું છે. આ ભવ્ય પ્રસંગના સાક્ષી બનવા માટે કોંગ્રેસના વરિષ્ઠ નેતા રાહુલ ગાંધી (Rahul Gandhi), પ્રિયંકા ગાંધી વાડ્રા (Priyanka Gandhi Vadra) અને પાર્ટી અધ્યક્ષ મલ્લિકાર્જુન ખડગે (Mallikarjun Kharge) સહિતના દેશભરના વિપક્ષી દિગ્ગજો ખાસ ઉપસ્થિત રહ્યા હતા. શપથ લીધા બાદ સતીશને મંચ પર હાજર તમામ નેતાઓનું અભિવાદન કર્યું હતું.

ચૂંટણી પરિણામોમાં ડાબેરીઓનો સફાયો

કોંગ્રેસના નેતૃત્વવાળા આ ગઠબંધને તાજેતરમાં યોજાયેલી વિધાનસભા ચૂંટણીમાં સીપીઆઈ-એમ (CPI-M) ના નેતૃત્વવાળા લેફ્ટ ડેમોક્રેટિક ફ્રન્ટ (LDF) ને સત્તા પરથી હટાવીને પ્રચંડ બહુમતી મેળવી છે. 140 સભ્યોની વિધાનસભા બેઠકો માટે 9 એપ્રિલે મતદાન થયું હતું. 4 મેના રોજ જાહેર થયેલા પરિણામોમાં UDF ને 102 બેઠકો પર ઐતિહાસિક જીત મળી હતી, જ્યારે LDF ને માત્ર 35 બેઠકો અને ભાજપ (BJP) ને 3 બેઠકો મળી શકી હતી.

11 દિવસના મંથન બાદ સતીશનના નામ પર મહોર

ચૂંટણી પરિણામો આવ્યા બાદ મુખ્યમંત્રીના નામની જાહેરાત કરવામાં કોંગ્રેસ હાઈકમાન્ડ (High Command) ને 11 દિવસનો સમય લાગ્યો હતો. આ રેસમાં વી.ડી. સતીશનની સાથે કે.સી. વેણુગોપાલ (KC Venugopal) અને રમેશ ચેન્નીથલા (Ramesh Chennithala) જેવા દિગ્ગજ નેતાઓના નામ પણ ચર્ચામાં હતા. પરંતુ આખરે હાઈકમાન્ડે સતીશન પર પસંદગીનો કળશ ઢોળ્યો હતો. 61 વર્ષીય વી.ડી. સતીશને છેલ્લા 5 વર્ષથી વિધાનસભામાં વિરોધ પક્ષના નેતા (Leader of Opposition) તરીકે શાનદાર ભૂમિકા ભજવી છે અને કેરળમાં પાયાના સ્તરે કોંગ્રેસ સંગઠનને ફરીથી મજબૂત કરવાનો શ્રેય પણ તેમને જાય છે.

પીએમ મોદીએ પાઠવી શુભેચ્છા

પ્રધાનમંત્રી નરેન્દ્ર મોદીએ (PM Narendra Modi) કેરળના નવા મુખ્યમંત્રી તરીકે શપથ લેવા બદલ વી.ડી. સતીસનને હાર્દિક અભિનંદન પાઠવ્યા છે. તેમણે પોતાના એક્સ (X) હેન્ડલ પર પોસ્ટ કરીને લખ્યું કે, કેન્દ્ર સરકાર (Central Government) કેરળની નવી સરકારને દરેક સંભવ સહયોગ આપવા માટે સંપૂર્ણ રીતે પ્રતિબદ્ધ છે, જેથી રાજ્યના લોકોની આકાંક્ષાઓને પૂરી કરી શકાય.

મંત્રીમંડળમાં આ દિગ્ગજોનો થયો સમાવેશ

નવી સરકારમાં વિવિધ પક્ષોના વરિષ્ઠ નેતાઓએ મંત્રી તરીકે શપથ લીધા છે. જેમાં કેરળ કોંગ્રેસ-જોસેફ (Kerala Congress-Joseph) ના મોન્સ જોસેફ (Mons Joseph) અને ક્રાંતિકારી સમાજવાદી પાર્ટી (RSP) ના શિબુ બેબી જોન (Shibu Baby John) નો સમાવેશ થાય છે. આ સિવાય કેપીસીસી (KPCC) અધ્યક્ષ સની જોસેફ (Sunny Joseph), કે. મુરલીધરન (K Muraleedharan), વરિષ્ઠ નેતા રમેશ ચેન્નીથલા અને ઇન્ડિયન યુનિયન મુસ્લિમ લીગ (IUML) ના પી.કે. કુન્હાલીકુટ્ટી (PK Kunhalikutty) એ પણ મંત્રી પદના શપથ લીધા છે.

આ ઉપરાંત પી.સી. વિષ્ણુનાથ (PC Vishnunath), એ.પી. અનિલકુમાર (AP Anilkumar), રોજી એમ. જોન (Roji M John), ટી. સિદ્દીક (T Siddique), બિંદુ કૃષ્ણા (Bindu Krishna), એમ. લિજુ (M Liju), ઓ.જે. જનીશ (OJ Janeesh), કે.એ. થુલસી (KA Thulsi), પી.કે. બશીર (PK Basheer), કે.એમ. શાજી (KM Shaji), એન. શમસુદ્દીન (N Samsudheen), વી.ઈ. અબ્દુલ ગફૂર (VE Abdul Gafoor), સી.પી. જોન (CP John) અને અનૂપ જેકબ (Anoop Jacob) નો પણ કેબિનેટમાં સમાવેશ કરાયો છે.