લગ્ન પ્રસંગે અનોખી પહેલ: મહારાષ્ટ્રના પરિવારે આખા ગામના 3500 લોકોનો કરાવ્યો અકસ્માત વીમો

Village Accident Insurance | મહારાષ્ટ્ર (Maharashtra) ના નાંદેડ (Nanded) જિલ્લાના કંધાર તાલુકામાં આવેલા બહાદરપુરા ગામમાં એક અનોખા લગ્ન યોજાયા, જે આજે સામાજિક સરોકાર અને માનવતાનું ઉત્કૃષ્ટ ઉદાહરણ બની ગયા છે.

સામાન્ય રીતે લગ્ન સમારોહ (Wedding ceremony) માં લોકો લાખો રૂપિયા ડેકોરેશન, ભવ્ય રોશની, અદભૂત આતશબાજી અને ભોજન પાછળ ખર્ચ કરી નાખે છે. પરંતુ બહાદરપુરા ગામના પેઠકર પરિવારે પોતાના પુત્ર સિદ્ધેશ્વર પેઠકરના લગ્નને સમાજ સેવા સાથે જોડીને એક પ્રશંસનીય નવી શરૂઆત કરી છે.

સિદ્ધેશ્વર અને મંજુષાના લગ્ન પ્રસંગ (Marriage function) નિમિત્તે પેઠકર પરિવારે સમગ્ર ગામના આશરે 3500 લોકોનો પર્સનલ અકસ્માત વીમો (Accident insurance) કરાવી આપવાનો એક ઐતિહાસિક નિર્ણય લીધો હતો.

આ અનોખી પહેલનો મુખ્ય હેતુ ગામના સામાન્ય અને મધ્યમવર્ગીય લોકોને ભવિષ્યમાં કોઈ પણ અકસ્માત કે અણધારી ઘટના સમયે આર્થિક સુરક્ષા (Financial security) પૂરી પાડવાનો છે.

વરપક્ષના પરિવારનું સ્પષ્ટપણે માનવું છે કે, લગ્ન એ માત્ર કોઈ વ્યક્તિગત ખુશી કે મોજમજાનો અવસર નથી, પરંતુ સમાજ પ્રત્યેની આપણી નૈતિક જવાબદારી (Social responsibility) નિભાવવાનું પણ એક સુંદર માધ્યમ બની શકે છે.

ગામમાં જેવી આ વીમા યોજનાની જાહેરાત કરવામાં આવી, કે તરત જ તમામ ગ્રામજનોમાં ખુશી અને ગર્વનો માહોલ છવાઈ ગયો હતો. સ્થાનિક લોકોએ જણાવ્યું કે, તેઓએ તેમના જીવનમાં પહેલીવાર કોઈ લગ્ન પ્રસંગમાં આવો સકારાત્મક સામાજિક સંદેશ (Social message) જોયો છે.

ગામના વડીલોના મતે આ પ્રેરણાદાયી કદમ આગામી સમયમાં અન્ય સક્ષમ પરિવારો માટે પણ સમાજ ઉપયોગી કાર્યો કરવા માટે પ્રેરણા સ્ત્રોત બનશે.

પેઠકર પરિવારે મીડિયા સાથે વાતચીતમાં જણાવ્યું કે, આજના સમયમાં અચાનક થતા અકસ્માતો અને મેડિકલ ઈમરજન્સી (Medical emergency) ઘણા પરિવારોને દેવાના બોજ હેઠળ અને આર્થિક સંકટમાં ધકેલી દે છે. આવા મુશ્કેલ સમયમાં જો અગાઉથી જ વીમા જેવી સુરક્ષા કવચ ઉપલબ્ધ હોય, તો પીડિત પરિવારોને મોટી રાહત અને સહારો મળી રહે છે.

આ ઉમદા વિચાર સાથે જ લગ્નના બજેટને સામાજિક સુરક્ષા અભિયાન (Social security campaign) તરફ વાળવામાં આવ્યું હતું. હાલ આખા વિસ્તારમાં આ લગ્નની ભારે ચર્ચા થઈ રહી છે અને લોકો કહી રહ્યા છે કે “વધૂનું આગમન થયું અને આખું ગામ સુરક્ષિત થઈ ગયું”.