ગુજરાતમાં કાળઝાળ ગરમીની આગાહી: આ જિલ્લામાં આવતીકાલથી 6 દિવસ ઓરેન્જ ઍલર્ટ

Gujarat Heatwave Alert | ગુજરાતમાં અત્યારે ગરમીનો પારો આસમાને પહોંચ્યો છે. હવામાન વિભાગ (Meteorological Department) દ્વારા રાજ્યમાં આગામી 7 દિવસ માટે ગરમીની ગંભીર આગાહી કરવામાં આવી છે.

ઉત્તર અને મધ્ય ગુજરાતમાં અંગ દઝાડતી ગરમીનો અનુભવ થશે. હાલ અમદાવાદ અને ગાંધીનગરમાં તાપમાન 43 ડિગ્રીએ પહોંચ્યું છે. આજે 9 May ના રોજ અમદાવાદમાં ‘યેલો ઍલર્ટ’ (Yellow Alert) જાહેર કરાયું છે, પરંતુ આવતીકાલથી સ્થિતિ વધુ વિકટ બનશે.

અમદાવાદમાં આગામી 6 દિવસ માટે ‘ઓરેન્જ ઍલર્ટ’ (Orange Alert) આપવામાં આવ્યું છે. નોર્થ ઈસ્ટ રાજસ્થાન પર સક્રિય થયેલ સાયક્લોનિક સરક્યુલેશન (Cyclonic Circulation) સિસ્ટમને કારણે વાતાવરણ શુષ્ક રહેશે.

પવનની દિશા બદલાતા આગામી દિવસોમાં તાપમાનમાં હજુ 2 થી 3 ડિગ્રીનો વધારો થવાની શક્યતા છે. સતત 6 દિવસ સુધી રાજ્યમાં હિટવેવની (Heatwave) સ્થિતિ રહેશે, જેના કારણે નાગરિકોને બપોરના સમયે કામ વગર બહાર ન નીકળવા અને લૂ થી બચવા સાવચેતી રાખવા અપીલ કરવામાં આવી છે.