લવ જેહાદ રોકવા ગુજરાતના લગ્ન નોંધણીના કાયદાની હવે મહારાષ્ટ્રમાં પણ માંગ

Marriage Registration Law | ગુજરાત સરકાર (Gujarat Government) દ્વારા કથિત ‘લવ જેહાદ’ (Love Jihad) અને છેતરપિંડીથી થતા લગ્નો અટકાવવા માટે લગ્ન નોંધણીના નિયમોમાં મોટો સુધારો કરવામાં આવ્યો છે. હવે આ કાયદાની ગૂંજ પાડોશી રાજ્ય મહારાષ્ટ્ર (Maharashtra) માં પણ સંભળાઈ રહી છે. ભાજપના નેતા કિરીટ સોમૈયાએ (Kirit Somaiya) ગુજરાતની તર્જ પર મહારાષ્ટ્રમાં પણ કડક નિયમો લાગુ કરવાની માંગ કરી છે.

ગુજરાત સરકારનો નવો નિયમ શું છે?
મુખ્યમંત્રી ભૂપેન્દ્ર પટેલ (Bhupendra Patel) ના નેતૃત્વમાં ગુજરાત સરકારે લગ્ન નોંધણી (Marriage Registration) પ્રક્રિયામાં મહત્વનો સુધારો કર્યો છે. આ સુધારા મુજબ (1) લગ્ન કરવા ઈચ્છતા યુવક-યુવતીના માતા-પિતાને લગ્ન વિશે ફરજિયાતપણે જાણ કરવામાં આવશે. (2) લગ્ન નોંધણી માટે અરજી કર્યાના 40 દિવસ (Days) બાદ જ પ્રક્રિયા પૂર્ણ કરવામાં આવશે. (3) આ સુધારાનો હેતુ ઓળખ છુપાવીને અથવા ખોટા વાયદા કરીને કરવામાં આવતા લગ્નો અટકાવવાનો છે.

મહારાષ્ટ્રમાં કિરીટ સોમૈયાની માંગ
ભાજપ (BJP) નેતા કિરીટ સોમૈયાએ મહારાષ્ટ્રના મુખ્યમંત્રી દેવેન્દ્ર ફડણવીસને (Devendra Fadnavis) પત્ર લખીને અપીલ કરી છે કે મહારાષ્ટ્રમાં પણ આવો જ નિયમ લાવો જોઈએ. સોમૈયાએ દલીલ કરી છે કે (1) હિન્દુ યુવતીઓના માતા-પિતાને લગ્ન નોંધણી વખતે ફરજિયાત જાણ થવી જોઈએ. (2) 40 દિવસના વેઇટિંગ પિરિયડ (Waiting Period) થી શંકાસ્પદ કિસ્સાઓની તપાસ અને સત્યતા ચકાસવા માટે પૂરતો સમય મળી રહેશે. (3) આ જોગવાઈથી મહિલાઓની સુરક્ષા (Safety) સુનિશ્ચિત કરી શકાશે.

સામાજિક અને રાજકીય વિવાદ
જોકે, આ પ્રસ્તાવને લઈને વિવિધ સંગઠનોમાં મતમતાંતર જોવા મળી રહ્યા છે. કેટલાક સામાજિક સંગઠનોનું માનવું છે કે આવા નિયમોથી વ્યક્તિગત સ્વતંત્રતા (Personal Liberty) અને પુખ્ત વયના લોકોના લગ્ન કરવાના અધિકારો પર અસર પડી શકે છે. બીજી તરફ, સમર્થકોનું કહેવું છે કે પારિવારિક સુરક્ષા અને છેતરપિંડી રોકવા માટે આ કદમ જરૂરી છે.

ગુજરાતના આ કડક વલણ બાદ હવે અન્ય રાજ્યોમાં પણ આ મુદ્દે ચર્ચા તેજ બની છે. મહારાષ્ટ્ર સરકાર આ માંગ પર શું સત્તાવાર નિર્ણય લે છે તેના પર સૌની નજર ટકેલી છે.