ટ્રમ્પના ટેરિફ વચ્ચે ચીન બન્યું ભારતનું સૌથી મોટું નિકાસ બજાર

India China Export Growth | વૈશ્વિક વ્યાપારના સમીકરણોમાં અત્યારે મોટો ઉલટફેર જોવા મળી રહ્યો છે. એક તરફ અમેરિકામાં ડોનાલ્ડ ટ્રમ્પ દ્વારા લાદવામાં આવેલા ઊંચા ટ્રમ્પ ટેરિફ (Trump Tariff) અને કડક શરતોને કારણે ભારતીય (India) નિકાસકારો ચિંતિત છે, ત્યારે બીજી તરફ પાડોશી દેશ ચીન (China) ભારત માટે એક મજબૂત નિકાસ બજાર (Export Market) તરીકે ઉભરી આવ્યું છે. નાણાકીય વર્ષ 2025-26માં ચીન ભારતનું અગ્રણી ટ્રેડિંગ પાર્ટનર બન્યું છે.

નિકાસના આંકડામાં રેકોર્ડબ્રેક વૃદ્ધિ (Record-breaking Growth)

વાણિજ્ય મંત્રાલય (Ministry of Commerce) ના તાજેતરના ડેટા મુજબ, એપ્રિલથી નવેમ્બર દરમિયાન ચીનમાં ભારતની નિકાસમાં 33% નો જંગી ઉછાળો નોંધાયો છે. આ સમયગાળામાં નિકાસ $12.22 અબજ (Billion) પર પહોંચી ગઈ છે, જે છેલ્લા ચાર વર્ષમાં સૌથી વધુ છે. વર્ષ 2024-25 માં આ આંકડો $9.2 અબજ હતો, જે હવે ફરી તેજીના માર્ગે છે.

ઇલેક્ટ્રોનિક્સ સેક્ટર ‘ગેમચેન્જર’ (Gamechanger)

ભારત હવે માત્ર કાચો માલ જ નહીં, પરંતુ હાઈ-ટેક પ્રોડક્ટ્સ પણ ચીન મોકલી રહ્યું છે. આ બદલાવમાં ઇલેક્ટ્રોનિક્સ ક્ષેત્ર (Electronics Sector) સૌથી આગળ છે. ખાસ કરીને પોપ્યુલેટેડ પ્રિન્ટેડ સર્કિટ બોર્ડ (PCBs) ની નિકાસ $2.39 કરોડથી વધીને સીધી $92.24 કરોડ પર પહોંચી ગઈ છે. આ ઉપરાંત ફ્લેટ પેનલ ડિસ્પ્લે મોડ્યુલ અને ટેલિફોની સાધનોની માંગમાં પણ તોતિંગ વધારો થયો છે.

કૃષિ અને ધાતુ ઉત્પાદનોની બોલબાલા (Dominance in Agri & Metal)

હાઈ-ટેક વસ્તુઓ સિવાય પરંપરાગત ક્ષેત્રોમાં પણ ભારતની પકડ મજબૂત થઈ છે:

• દરિયાઈ ઉત્પાદનો (Marine Products): બ્લેક ટાઇગર પ્રોન્સ અને ઝીંગાની ભારે માંગ.

• કૃષિ (Agriculture): સુકી મરચી અને તેલીબિયાંના ખોળની નિકાસમાં તેજી.

• ઔદ્યોગિક કાચો માલ (Industrial Raw Material): એલ્યુમિનિયમ અને રિફાઈન્ડ કોપર બિલેટ્સમાં મજબૂત સ્થાન.

નિષ્ણાતોના મતે, અમેરિકામાં ટ્રેડ બેરિયર્સ વધતા ભારતીય ઉદ્યોગોએ ચીનને એક સક્ષમ વિકલ્પ (Alternative) તરીકે જોવાનું શરૂ કર્યું છે. આ બદલાવ ભારત-ચીન વ્યાપારી સંબંધોમાં એક નવો અધ્યાય લખી રહ્યો છે.