ટ્રમ્પની મોટી જાહેરાત: ઈરાનના સુપ્રીમ લીડર મોજતબા ખામેનેઈની માહિતી આપનારને ₹92 કરોડનું ઈનામ

US-Israel-Iran war | ઈરાન અને અમેરિકા વચ્ચે ચાલી રહેલા યુદ્ધ (Iran-US War) ના 15મા દિવસે અમેરિકાના રાષ્ટ્રપતિ ડોનાલ્ડ ટ્રમ્પે (Donald Trump) એક મોટી જાહેરાત કરી છે. ઈરાનના નવા સુપ્રીમ લીડર (Supreme Leader) મોજતબા ખામેનેઈ (Mojtaba Khamenei) અને IRGC ના વરિષ્ઠ અધિકારીઓ વિશે પાકી માહિતી આપનારને 10 મિલિયન ડોલર (10 Million Dollars) એટલે કે અંદાજે 92 કરોડ રૂપિયાનું ઈનામ આપવાની જાહેરાત કરવામાં આવી છે.

વોન્ટેડ લિસ્ટમાં કોણ સામેલ છે? અમેરિકાના વિદેશ વિભાગના ‘રિવોર્ડ્સ ફોર જસ્ટિસ’ (Rewards for Justice) ઓપરેશન હેઠળ મોજતબા ખામેનેઈ ઉપરાંત અલી અસગર હેજાજી અને સિક્યુરિટી ચીફ અલી લારીજાની વિશે માહિતી માંગવામાં આવી છે. ટ્રમ્પ આ યુદ્ધને ઝડપથી સમાપ્ત કરવા માંગે છે અને તેથી જ IRGC ના ટોચના અધિકારીઓને ટાર્ગેટ કરવામાં આવી રહ્યા છે.

શું મોજતબા ખામેનેઈ ઘાયલ છે? મીડિયા રિપોર્ટ્સ (Media Reports) મુજબ, અગાઉના હુમલામાં અયાતુલ્લાહ અલી ખામેનેઈના મૃત્યુ બાદ મોજતબાને નવા લીડર બનાવવામાં આવ્યા હતા, પરંતુ તેઓ ક્યારેય જાહેરમાં દેખાયા નથી. ટ્રમ્પનો દાવો છે કે મોજતબા જીવિત છે પણ ગંભીર રીતે ઘાયલ (Injured) છે. ઉલ્લેખનીય છે કે, ઈઝરાયેલ-અમેરિકાના સંયુક્ત હુમલામાં ખામેનેઈ પરિવારના અનેક સભ્યોના મોત થયા હોવાના પણ અહેવાલ છે.