Surat Molestation Case | સુરતના પોશ ગણાતા અલથાણ (Althan) વિસ્તારમાં એક શરમજનક ઘટના સામે આવી છે. ટ્યુશન (Tuition) થી ઘરે પરત ફરી રહેલી 12 વર્ષની સગીરાની છેડતી (Molestation) કરવામાં આવતા સ્થાનિકોમાં ભારે આક્રોશ ફાટી નીકળ્યો હતો.
આ ઘટના ગત રાત્રિના આશરે 8:15 વાગ્યે એટલાન્ટા મોલ (Atlanta Mall) પાસે બની હતી. આરોપીની ઓળખ 35 થી 40 વર્ષીય મહંમદ અઝીઝ (Mohammad Aziz) તરીકે થઈ છે, જેને લોકોએ રંગેહાથ ઝડપી પાડી મેથીપાક ચખાડ્યો હતો.
ઘટનાની જાણ થતા જ પાટીદાર સમાજના લોકો, હિન્દુ સંગઠનો અને SPG ના કાર્યકરો મોટી સંખ્યામાં અલથાણ પોલીસ સ્ટેશન (Althan Police Station) ખાતે ઉમટી પડ્યા હતા. લોકોની ભીડ એટલી વધી ગઈ હતી કે આશરે 4,000 થી વધુ લોકોએ પોલીસ મથકને ઘેરી લીધું હતું.
લોકો ‘જય શ્રી રામ’ ના નારા સાથે આરોપી વિરુદ્ધ કડક કાર્યવાહીની માંગ કરી રહ્યા હતા. પરિસ્થિતિ બેકાબૂ બનતા પોલીસે ભીડને વિખેરવા માટે લાઠીચાર્જ (Lathicharge) કરવાની અને ટીયર ગેસ (Tear Gas) છોડવાની ફરજ પડી હતી. આ ઘર્ષણમાં કેટલાક લોકોને ઈજાઓ પહોંચતા તેમને હોસ્પિટલ (Hospital) ખસેડાયા હતા.
સ્થાનિક રહીશોના જણાવ્યા મુજબ, સગીરાની છેલ્લા 3 દિવસથી છેડતી કરવામાં આવી રહી હતી. અંતે હિંમત બતાવી સગીરાએ બૂમાબૂમ કરતા લોકોએ નરાધમને પકડી લીધો હતો.
પોલીસના ઉચ્ચ અધિકારીઓ (Police Officers) અને ધારાસભ્ય પણ સ્થળ પર પહોંચ્યા હતા. પોલીસે આરોપીની ધરપકડ (Arrest) કરી છે અને તેની વિરુદ્ધ પોક્સો (POCSO) એક્ટ હેઠળ ગુનો નોંધવાની તજવીજ હાથ ધરી છે.
સ્થાનિકોનો નવો નિર્ણય
આ ઘટના બાદ વિસ્તારમાં ભારે રોષ છે. સ્થાનિકો દ્વારા એવી જાહેરાત કરવામાં આવી છે કે હવેથી ફેરિયાઓ (Hawkers) જો કોઈ હિન્દુ ભગવાનની તસવીર રાખશે અને આઈ-કાર્ડ (ID Card) બતાવશે, તો જ તેમને લારી લગાવવા દેવામાં આવશે. હાલમાં અલથાણ વિસ્તારમાં ચુસ્ત પોલીસ બંદોબસ્ત (Police Security) ગોઠવી દેવામાં આવ્યો છે અને સ્થિતિ નિયંત્રણ હેઠળ છે.
MT Jalveer Ship Attack | ઓમાન (Oman) તટ નજીક બુધવારે થયેલા હુમલાના 24 કલાક વીત્યા…
Shatrughan Sinha TMC | બળવાનો સામનો કરી રહેલી તૃણમૂલ કોંગ્રેસ (TMC) માંથી મોટા સમાચાર આવ્યા…
IT Stocks Crash | આર્ટિફિશિયલ ઇન્ટેલિજન્સ (Artificial Intelligence - AI) ના ખોફને કારણે દિગ્ગજ શેરોમાં…
પાકિસ્તાન અધિકૃત કાશ્મીર (PoK) માં ફરી એકવાર ભારે હોબાળો મચ્યો છે અને ચારેતરફ પાકિસ્તાન વિરોધી…
Hunar Hale Divorce | ટેલિવિઝન એક્ટ્રેસ (Television Actress) હુનર હાલી (Hunar Hale) હાલ પોતાની જિંદગીના…
Delimitation Bill | કેન્દ્રની BJP સરકારને વિધાનસભા ચૂંટણીઓ (Assembly Elections) ની વચ્ચે એક મોટો ઝટકો…