Sanand Liquor Party Raid | અમદાવાદના સાણંદમાં પોલીસને મોટી સફળતા મળી છે. સાણંદ પોલીસે બાતમીના આધારે ગોરજ ગામની સીમમાં આવેલ ‘સફલ નિર્વાણા ગ્રીન્સ’ (Safal Nirvana Greens) ના એક વિકેન્ડ હોમમાં દરોડા પાડીને ચાલતી હાઈપ્રોફાઈલ દારૂની મહેફિલ (Liquor Party) ઝડપી પાડી છે. આ કાર્યવાહીમાં પોલીસે 81 લોકોની અટકાયત કરી છે, જેમાં 43 પુરુષો અને 38 મહિલાઓનો સમાવેશ થાય છે.
લગ્નતિથિ (Anniversary) ની ઉજવણીમાં જામી હતી મહેફિલ
મળતી માહિતી મુજબ, મુંબઈના મરીન ડ્રાઈવના રહેવાસી અમિત પચેરીવાલે તેમના સાઢુ આદર્શ અગ્રવાલની 25મી લગ્નતિથિ (25th Wedding Anniversary) ની ઉજવણી કરવા માટે આ પાર્ટીનું આયોજન કર્યું હતું. આ માટે મિત્ર રવી ગોરખપુરીયાના બંગલાનો ઉપયોગ કરવામાં આવ્યો હતો. પોલીસે જ્યારે દરોડો (Raid) પાડ્યો ત્યારે ત્યાં હાજર મહેમાનો દારૂ અને હુક્કાની મહેફિલ માણી રહ્યા હતા.
કરોડોનો મુદ્દામાલ જપ્ત (Seized Property)
પોલીસે આ સ્થળ પરથી આશરે ₹2.91 કરોડનો મુદ્દામાલ જપ્ત કર્યો છે, જેમાં નીચે મુજબની વિગતો સામેલ છે:
-
દારૂ (Liquor): વિદેશી દારૂની સીલબંધ અને ખુલ્લી બોટલો તથા 70 કાચના ગ્લાસ.
-
હુક્કા (Hookah): 10 હુક્કા અને વિવિધ ફ્લેવર્સના 33 ડબ્બા.
-
વાહનો (Vehicles): ઘટનાસ્થળેથી 22 લક્ઝરી ફોર-વ્હીલર ગાડીઓ (કિંમત ₹2.65 કરોડ).
-
મોબાઈલ (Mobiles): આરોપીઓ પાસેથી 74 મોંઘા મોબાઈલ ફોન જપ્ત કરાયા.
મેડિકલ ટેસ્ટ અને કાયદેસરની કાર્યવાહી
પોલીસ તમામ 80થી વધુ યુવક-યુવતીઓને મેડિકલ ટેસ્ટ (Medical Test) માટે સાણંદની સરકારી હોસ્પિટલમાં લઈ ગઈ હતી. મહિલાઓને મેડિકલ તપાસ બાદ નોટિસ ફટકારીને વહેલી સવારે મુક્ત કરવામાં આવી હતી, જ્યારે પુરુષો હાલ પોલીસ કસ્ટડીમાં (Police Custody) છે. પોલીસે આયોજક અમિત પચેરીવાલ સહિતના લોકો સામે પ્રોહિબિશન એક્ટ (Prohibition Act) ની વિવિધ કલમો હેઠળ ગુનો નોંધી વધુ તપાસ હાથ ધરી છે.