બંગાળમાં ચૂંટણી પહેલા હિંસક હોબાળો: મતદાર યાદીમાંથી નામ કપાતા 7 અધિકારીઓ બંધક, 1 લાખથી વધુ લોકોના નામ ગાયબ હોવાનો આક્ષેપ

પશ્ચિમ બંગાળમાં (West Bengal) આગામી 23 અને 29 એપ્રિલે યોજાનારી વિધાનસભા ચૂંટણી (Assembly Election 2026) પહેલા વાતાવરણ અત્યંત તંગ બન્યું છે. માલદા (Malda) જિલ્લાના કાલિયાચક વિસ્તારમાં મતદાર યાદીના (Voter List) મુદ્દે ગ્રામીણોનો રોષ ફાટી નીકળ્યો હતો. ઉશ્કેરાયેલા ટોળાએ બુધવારે સાંજે 7 ન્યાયિક અધિકારીઓને (Judicial Officers) એક કચેરીમાં 8 કલાક સુધી બંધક બનાવી રાખ્યા હતા.

શું હતી સમગ્ર ઘટના? ચૂંટણી પંચ (Election Commission) દ્વારા ચલાવવામાં આવતા વિશેષ ગહન પુનરીક્ષણ (SIR – Special Intensive Revision) અભિયાન હેઠળ અધિકારીઓ તપાસ માટે પહોંચ્યા ત્યારે આ વિવાદ સર્જાયો હતો. ગ્રામીણોનો ગંભીર આક્ષેપ છે કે વિસ્તારના 1 લાખથી વધુ મતદારોના નામ યાદીમાંથી કાઢી નાખવામાં આવ્યા છે. દસ્તાવેજો (Documents) જમા કરાવવા છતાં અન્યાય થયો હોવાનું લોકોનું કહેવું છે. મોડી રાત્રે પોલીસે અધિકારીઓને છોડાવ્યા ત્યારે ટોળાએ પોલીસ વાહન પર પથ્થરમારો પણ કર્યો હતો.

હાઇવે પર ચક્કાજામ અને રસોઈ વિરોધ પ્રદર્શન એટલું ઉગ્ર હતું કે પ્રદર્શનકારીઓએ નેશનલ હાઈવે-12 (NH-12) ને અનેક જગ્યાએ જામ કરી દીધો હતો. રસ્તા પર ટાયરો સળગાવી, વાંસ અને ફર્નિચર મૂકીને વાહનવ્યવહાર અટકાવી દેવાયો હતો. આશ્ચર્યજનક રીતે, કેટલાક લોકો હાઈવે પર જ રસોઈ (Cooking on Highway) બનાવતા જોવા મળ્યા હતા. સુજાપુરથી શરૂ થયેલો આ વિરોધ જલાલપુર અને મોથાબારી સુધી ફેલાઈ ગયો હતો.

ટ્રિબ્યુનલ મુદ્દે નારાજગી અને ચૂંટણી કાર્યક્રમ સ્થાનિકોના મતે, સુપ્રીમ કોર્ટે (Supreme Court) અપીલ માટે 19 ટ્રિબ્યુનલ (Tribunal) સ્થાપવા નિર્દેશ આપ્યો હતો, પરંતુ તે હજુ શરૂ થયા નથી. મુખ્ય નિર્વાચન અધિકારી (CEO) મનોજ અગ્રવાલે આ મામલે રિપોર્ટ માંગ્યો છે. ઉલ્લેખનીય છે કે બંગાળમાં પ્રથમ તબક્કાનું મતદાન 23 એપ્રિલ અને બીજા તબક્કાનું 29 એપ્રિલે યોજાશે, જેનું પરિણામ 4 મે 2026 ના રોજ જાહેર થશે.