ISI ના નિશાના પર હતું દિલ્હીનું ઐતિહાસિક મંદિર અને હરિયાણાનો સૈન્ય કેમ્પ, સ્પેશિયલ સેલનો મોટો ખુલાસો

દિલ્હી પોલીસની સ્પેશિયલ સેલ (Delhi Police Special Cell) દ્વારા પકડાયેલા પાકિસ્તાન સમર્થિત ‘શહેઝાદ ભટ્ટી મોડ્યુલ’ (Shahzad Bhatti Module)ના આતંકીઓએ પૂછપરછમાં ચોંકાવનારા ખુલાસા કર્યા છે. આ મોડ્યુલના નિશાના પર દિલ્હીનું એક અત્યંત ઐતિહાસિક મંદિર (Historic Temple) અને હરિયાણાનો મિલિટરી કેમ્પ (Military Camp) હતા.

દિલ્હી પોલીસે ગુરુવારે આ મોડ્યુલના 9 ગુલાંટિયાઓને ભારે હથિયારો સાથે ઝડપી પાડ્યા હતા. તપાસમાં જાણવા મળ્યું છે કે આ મોડ્યુલના એક આરોપીએ મંદિરની રેકી (Reconnaissance) કરી હતી અને તેના વીડિયો (Video) તેમજ ફોટા પાકિસ્તાનમાં બેઠેલા હેન્ડલર્સને મોકલ્યા હતા. પાકિસ્તાની ગુપ્તચર એજન્સી ISI ના ઈશારે આ આતંકીઓ મંદિરમાં સુરક્ષાકર્મીઓ પર અંધાધુંધ ગોળીબાર કરી મોટી તબાહી મચાવવાનું કાવતરું ઘડી રહ્યા હતા.

વધુમાં, હરિયાણાના હિસ્સાર (Hisar) માં આવેલો સૈન્ય કેમ્પ પણ તેમના રડાર પર હતો. આતંકીઓએ ઉત્તર પ્રદેશના કેટલાક પોલીસ સ્ટેશનો (Police Stations) ને પણ નિશાન બનાવવાની યોજના બનાવી હતી. દિલ્હી પોલીસે દેશના વિવિધ રાજ્યોમાં ઓપરેશન ચલાવીને આ ખતરનાક નેટવર્કનો પર્દાફાશ કર્યો છે.