ભારત-ઈરાન સિક્રેટ ડીલ: સ્ટ્રેટ ઓફ હોર્મુઝમાંથી ભારતીય જહાજો સુરક્ષિત રીતે થયા પસાર, જાણો શું છે મામલો

India Iran Secret Deal | પશ્ચિમ એશિયામાં (West Asia) અમેરિકા અને ઈરાન (Iran) વચ્ચે ભીષણ યુદ્ધની સ્થિતિ છે, જેમાં અમેરિકાએ ઈરાની દ્વીપ ‘ખર્ગ’ પર અત્યાર સુધીનો સૌથી મોટો હુમલો કર્યો છે.

આ ભયંકર તણાવ વચ્ચે ભારત અને ઈરાન વચ્ચેના રાજદ્વારી સંબંધોમાં એક મહત્વની કૂટનીતિ (Diplomacy) જોવા મળી છે. ઈરાનના અંકુશ હેઠળના સ્ટ્રેટ ઓફ હોર્મુઝ (Strait of Hormuz) માંથી ભારતના બે મોટા ઓઈલ ટેન્કરો ‘શિવાલિક’ અને ‘નંદા દેવી’ સુરક્ષિત રીતે પસાર થઈને ભારત પહોંચ્યા છે.

સામરિક નિષ્ણાત બ્રહ્મા ચેલાનીના મતે, આ કોઈ અકસ્માત નથી પણ નવી દિલ્હી અને તેહરાન વચ્ચે થયેલી એક ‘સિક્રેટ ડીલ’ (Secret Deal) નું પરિણામ છે.

ભારતે માનવીય અભિગમ અપનાવી કોચીમાં (Kochi) રોકાયેલા ઈરાની નૌસેનાના જહાજ ‘આઈઆરઆઈએસ લવાન’ (IRIS Lavan) ના આશરે 180 નાવિકોને ચાર્ટર ફ્લાઈટ દ્વારા સુરક્ષિત ઈરાન મોકલ્યા હતા. તેના બદલામાં ઈરાને ભારતીય ટેન્કરોને 92 હજાર ટન (92,000 Tons) LPG સાથે પસાર થવાની મંજૂરી આપી હતી.

આ ઘટના 4 માર્ચે અમેરિકી સબમરીન દ્વારા ઈરાની ફ્રિગેટ ‘આઈઆરઆઈએસ ડેના’ (IRIS Dena) ને ડૂબાડ્યા બાદના તણાવ વચ્ચે બની છે. ભારત માટે આ માર્ગ અત્યંત મહત્વનો છે કારણ કે દેશનું 40% ક્રૂડ ઓઈલ (Crude Oil) અહીંથી આવે છે. જોકે, હજુ પણ ભારતના 22 ટેન્કરો ત્યાં ફસાયેલા છે, અને ભારતની આ કૂટનીતિ બાકીના જહાજોને છોડાવવામાં કેટલી સફળ રહે છે તેના પર સૌની નજર છે.