ભારતે ત્રણ સફળ ફ્લાઇટ ટેસ્ટ સાથે બેલિસ્ટિક મિસાઇલ ડિફેન્સ ક્ષમતાનું શાનદાર પ્રદર્શન કર્યું

India BMD Test | ભારતે તેની મલ્ટિ-લેયર્ડ બેલિસ્ટિક મિસાઇલ ડિફેન્સ (Ballistic Missile Defence – BMD) સિસ્ટમનું શ્રેણીબદ્ધ ફ્લાઇટ-ટેસ્ટ (Flight-Tests) દ્વારા સફળતાપૂર્વક પ્રદર્શન કર્યું છે.

આ પરીક્ષણો દ્વારા ભારતે પૃથ્વીના વાતાવરણની અંદર અને બહાર એમ બંને જગ્યાએ દુશ્મનની મિસાઇલોને આંતરીને નષ્ટ કરવાની પોતાની ક્ષમતા સાબિત કરી છે.

સંરક્ષણ મંત્રાલય (Defence Ministry) ના જણાવ્યા અનુસાર, આ સફળ ટ્રાયલ્સે ભારતને અદ્યતન મિસાઇલ સંરક્ષણ ક્ષમતા ધરાવતા વિશ્વના ચુનિંદા દેશોના એલિટ ગ્રૂપ (Elite Group) માં સામેલ કરી દીધું છે.

DRDO દ્વારા ત્રણ સફળ પરીક્ષણો

ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશન (DRDO) દ્વારા 10 અને 11 જૂનના રોજ સતત 3 ફ્લાઇટ-ટેસ્ટ કરવામાં આવ્યા હતા. આ પરીક્ષણોનો હેતુ લાંબા અને મધ્યમ અંતરની બેલિસ્ટિક મિસાઇલના જોખમો સામે દેશના મલ્ટિ-લેયર્ડ BMD આર્કિટેક્ચર (Architecture) ની અસરકારકતાને ચકાસવાનો હતો.

આ સિસ્ટમ એન્ડો-એટમોસ્ફેરિક (Endo-atmospheric – વાતાવરણની અંદર 100 કિમીથી ઓછી ઊંચાઈએ) અને એક્સો-એટમોસ્ફેરિક (Exo-atmospheric – વાતાવરણની બહાર) એમ બંને સ્તરે દુશ્મનની મિસાઇલોને નિષ્ક્રિય કરી શકે છે.

ઇન્ટરકોન્ટિનેન્ટલ મિસાઇલોને પણ તોડી પાડશે

સંરક્ષણ મંત્રાલયે જણાવ્યું હતું કે, “ઇન્ટરસેપ્ટર્સે (Interceptors) તેમના સંબંધિત લક્ષ્યોને સફળતાપૂર્વક નષ્ટ કર્યા હતા. આ ટેસ્ટિંગ બાદ ભારત ઇન્ટરકોન્ટિનેન્ટલ બેલિસ્ટિક મિસાઇલો (Intercontinental Ballistic Missiles) ને પણ તોડી પાડવાની ક્ષમતા ધરાવતા દેશોની યાદીમાં આવી ગયું છે.”

આ સિસ્ટમ માત્ર મિસાઇલ જ નહીં, પરંતુ દુશ્મનના વિમાનો અને અવાક્સ (AWACS) ને પણ નિશાન બનાવી શકે છે. આ જ અઠવાડિયામાં ભારતે નેવલ એન્ટી-શિપ મિસાઇલ-મીડિયમ રેન્જ (NASM-MR) નું પણ પ્રથમ સફળ પરીક્ષણ કર્યું હતું. આ ઐતિહાસિક સિદ્ધિ બદલ સંરક્ષણ મંત્રી (Defence Minister) રાજનાથ સિંહે DRDO અને સશસ્ત્ર દળો (Armed Forces) ને અભિનંદન પાઠવ્યા છે.