ભારતમાં AI ના ઉપયોગમાં ટોપ-5 દેશમાં, પણ 50% વપરાશ માત્ર 10 શહેરોમાં સીમિત

ઓપનએઆઈ (OpenAI) ના તાજેતરના રિપોર્ટમાં એક મોટો ઘટસ્ફોટ થયો છે કે ભારત હવે આર્ટિફિશિયલ ઇન્ટેલિજન્સ (Artificial Intelligence) નો એડવાન્સ ઉપયોગ કરનારા વિશ્વના ટોપ-5 દેશોમાં સામેલ થઈ ગયું છે.

જોકે, આ ટેકનોલોજીનો ઉપયોગ મુખ્યત્વે મોટા મેટ્રો શહેરો પૂરતો જ સીમિત છે. રિપોર્ટ અનુસાર, ભારતના કુલ એડવાન્સ્ડ એઆઈ યુઝર્સ (Advanced AI Users) માંથી 50 ટકા યુઝર્સ માત્ર 10 મુખ્ય શહેરોમાં જ રહે છે.

બેંગલુરુ, મુંબઈ, દિલ્હી, હૈદરાબાદ અને પુણે જેવા આઈટી હબ (IT Hubs) માં યુઝર્સ ચેટજીપીટી (ChatGPT) જેવા ટૂલ્સનો ઉપયોગ માત્ર સામાન્ય પ્રશ્નો માટે નહીં, પરંતુ કોડિંગ (Coding), ડેટા એનાલિસિસ (Data Analysis) અને જટિલ સમસ્યાઓના ઉકેલ માટે કરી રહ્યા છે.

જ્યારે બીજી તરફ, નાના શહેરોમાં AIનો ઉપયોગ હજુ પણ સામાન્ય માહિતી મેળવવા પૂરતો જ મર્યાદિત છે. ભારતીય ડેવલોપર્સ (Developers) અને વિદ્યાર્થીઓ હવે પોતાની સ્કિલ્સ વધારવા માટે આઈ ટૂલ્સનો ઝડપથી સ્વીકાર કરી રહ્યા છે.