શિકાગોમાં ભારતીય મૂળના અંકુર પટેલે અલગ રહેતી પત્નીની ગળાના ભાગે ચપ્પાના ઘા મારી કરી દીધી હત્યા

Ankur Patel Chicago | શિકાગોમાંથી એક ચોંકાવનારો કિસ્સો સામે આવ્યો છે, જ્યાં ૩૧ વર્ષીય ભારતીય મૂળના અંકુર પટેલ નામના વ્યક્તિ પર તેની અલગ રહેતી પત્નીની હત્યા કરવાનો ગંભીર આરોપ લાગ્યો છે.

પ્રોસિક્યુટર્સના જણાવ્યા અનુસાર, આરોપીએ તેની પત્નીને તેમની ૫ વર્ષીય પુત્રી સાથે મળવાના બહાને શિકાગો બોલાવી હતી, જેની પુત્રી અગાઉથી જ ભારતમાં તેના માતા-પિતા સાથે રહેવા ગઈ હતી.

તપાસ અધિકારીઓના મતે, અંકુર પટેલે પત્નીને મળતા પહેલા એક ફોલ્ડિંગ ચાકુ ખરીદ્યું હતું. બંને વચ્ચે સંબંધો સુધારવા કે સમાધાન બાબતે બોલાચાલી થઈ હતી, ત્યારબાદ ગુસ્સામાં આવીને તેણે પત્નીના ગળાના ભાગે ચાકુના ઘા મારી દીધા હતા.

જ્યારે મૃતક મહિલાનો નવો પાર્ટનરનો સંપર્ક ન થઈ શક્યો, ત્યારે તેણે પોલીસને જાણ કરી અને બાદમાં અંકુરના મિત્રોએ તેનો મૃતદેહ શોધી કાઢ્યો હતો.

ઘટનાને અંજામ આપ્યા બાદ અંકુર પટેલ ભારત ભાગી જવાની ફિરાકમાં હતો, પરંતુ શિકાગોના ઓ’હેર ઇન્ટરનેશનલ એરપોર્ટ પરથી જ તેની ધરપકડ કરવામાં આવી હતી.

પોલીસના જણાવ્યા અનુસાર, આરોપીએ પૂછપરછ દરમિયાન પોતાની પત્નીની હત્યા કરી હોવાની કબૂલાત કરી લીધી છે. હાલ આ મામલે કાયદાકીય કાર્યવાહી ચાલી રહી છે.