Bill Gates Epstein Files | અમેરિકાના ન્યાય વિભાગ (US Department of Justice) દ્વારા જેફ્રી એપસ્ટિન (Jeffrey Epstein) કેસ સાથે જોડાયેલા લાખો દસ્તાવેજો જાહેર કરવામાં આવ્યા છે. આ નવી ‘એપસ્ટિન ફાઇલ્સ’ (Epstein Files) માં માઇક્રોસોફ્ટના કો-ફાઉન્ડર બિલ ગેટ્સ (Bill Gates) વિશે અત્યંત ચોંકાવનારા અને વિવાદાસ્પદ દાવાઓ સામે આવ્યા છે.
શું છે આખું ડાર્ક સિક્રેટ? (The Dark Secret)
નવી ફાઇલ્સ મુજબ, એપસ્ટિને વર્ષ 2013માં કેટલાક ઇમેઇલ્સ (Emails) ડ્રાફ્ટ કર્યા હતા. આ ઇમેઇલ્સમાં દાવો કરવામાં આવ્યો છે કે બિલ ગેટ્સે રશિયન યુવતીઓ (Russian girls) સાથે શારીરિક સંબંધો બાંધ્યા હતા, જેના કારણે તેમને ગુપ્ત રોગ એટલે કે જાતીય સંક્રમિત રોગ (STD – Sexually Transmitted Disease) થયો હતો.
પત્ની મેલિન્ડાને અંધારામાં રાખવાનો આરોપ
રિપોર્ટમાં વધુમાં જણાવાયું છે કે, બિલ ગેટ્સે આ રોગની સારવાર માટે એન્ટિબાયોટિક (Antibiotics) દવાઓની માગ કરી હતી. હેતુ એ હતો કે તેઓ આ દવાઓ તેમની તત્કાલીન પત્ની મેલિન્ડા ગેટ્સ (Melinda Gates) ને આપી શકે, જેથી તેમને આ રોગ વિશે જાણ ન થાય. નોંધનીય છે કે, 2021માં બિલ અને મેલિન્ડાના છૂટાછેડા (Divorce) થયા હતા, જેમાં એપસ્ટિન સાથેના સંબંધો પણ એક કારણ હોવાનું મનાય છે.
બિલ ગેટ્સના પ્રવક્તાનો ખુલાસો
આ ગંભીર આરોપો પર બિલ ગેટ્સના પ્રવક્તાએ (Spokesperson) પ્રતિક્રિયા આપતા જણાવ્યું છે કે, “આ તમામ આરોપો પાયાવિહોણા (Baseless) અને ખોટા છે. એપસ્ટિન ગેટ્સ સાથેના સંબંધો ન જળવાતા નિરાશ હતો અને તેમને બદનામ કરવા માટે આવા જૂઠા દાવાઓ કરી રહ્યો હતો.” ન્યાય વિભાગે પણ સ્પષ્ટ કર્યું છે કે ફાઇલ્સમાં નામ હોવાનો અર્થ એ નથી કે વ્યક્તિ ગુનેગાર છે.
