અમેરિકાએ ટાટા, ઇન્ફોસિસ અને વિપ્રો સહિત 8 IT કંપનીઓ પર ગ્રીન કાર્ડ ફાઇલિંગ પર મૂક્યો પ્રતિબંધ

US Green Card | અમેરિકાએ ભારતીય દિગ્ગજ IT કંપનીઓ ટાટા કન્સલ્ટન્સી સર્વિસેઝ (TCS), ઇન્ફોસિસ, વિપ્રો અને એચસીએલ (HCL) સહિત કુલ 8 મોટી IT કંપનીઓ પર પરમેનન્ટ લેબર સર્ટિફિકેશન (PERM) પ્રોગ્રામ હેઠળ ગ્રીન કાર્ડ (Green Card) ફાઇલ કરવા પર પ્રતિબંધ મૂક્યો છે.

આ સૂચિમાં માઈક્રોસોફ્ટ(Microsoft), એડોબી (Adobe), કેપજેમિની (Capgemini) અને કોગ્નિઝન્ટ (Cognizant) જેવી વૈશ્વિક દિગ્ગજ કંપનીઓનો પણ સમાવેશ થાય છે. આ કાર્યવાહીથી અમેરિકામાં નોકરી કરતા હજારો ભારતીય ટેકનોલોજી વ્યાવસાયિકોની ચિંતા વધી ગઈ છે.

અમેરિકી સરકારના આ પગલા પાછળનો મુખ્ય હેતુ સ્થાનિક અમેરિકન નાગરિકો માટે નોકરીની તકો વધારવાનો અને વિદેશી કામદારો પરની નિર્ભરતા ઘટાડવાનો છે.

પીએમ (PERM) એમ્પ્લોયમેન્ટ-બેઝ્ડ ગ્રીન કાર્ડ માટેનો પાયો ગણાય છે, જેના દ્વારા વિદેશી કર્મચારીઓ અમેરિકામાં કાયમી નિવાસ માટે અરજી કરે છે.

જો કે, ભારતીય આઈટી કંપનીઓ દ્વારા તાજેતરના વર્ષોમાં પીએમ (PERM) અરજીઓમાં પહેલેથી જ ઘટાડો જોવા મળ્યો હતો. ઉદાહરણ તરીકે, ટીસીએસ (TCS) દ્વારા વર્ષ 2026માં માત્ર બે જ અરજીઓ દાખલ કરવામાં આવી હતી, જે અગાઉના વર્ષોની સરખામણીએ ઘણી ઓછી છે.

અધિકારીઓએ સ્પષ્ટ કર્યું છે કે આ સસ્પેન્શન માત્ર ગ્રીન કાર્ડ સ્પોન્સરશિપ અને પરમેનન્ટ લેબર સર્ટિફિકેશન પ્રોગ્રામ સંબંધિત છે અને તે એચ-૧બી (H-1B) વિઝા ધારકોના વર્તમાન વિઝાની માન્યતા કે તેમની સ્થિતિને સીધી અસર કરતું નથી.

ભારતીય વિદેશ મંત્રાલય અને ઉદ્યોગ જગતના અગ્રણીઓ આ સમગ્ર સ્થિતિ પર નજર રાખી રહ્યા છે. નિષ્ણાતોના મતે આ નિર્ણયથી ભારતીય IT સેક્ટરના બિઝનેસ મોડેલ પર લાંબા ગાળે અસર પડી શકે છે અને કંપનીઓ પોતાની રણનીતિ બદલવા માટે મજબૂર બની શકે છે.