ભારતના સૌથી ધનિક ઉધોગપતિ મુકેશ અંબાણીનો પુત્ર અનંત અંબાણી ની ગુજરાતના જાણીતા ઉધોગપતિની દીકરી રાધિકા મર્ચન્ટ (Radhika Machant) સાથે સગાઇ કરવામાં આવી છે.
ભારતના ટોચના ધનિક ઉઘોગપતિમાં સ્થાન ધરાવનાર મુકેશ અંબાણીના પુત્ર અનંત અંબાણીની સગાઇ ગુજરાતના જાણીતા બિઝનેસ ફેમિલી એન્કોર હેલ્થકેરના CEO વિરેન મર્ચન્ટની સુપુત્રી રાધિકા મર્ચન્ટ સાથે ગુરુવાર (29 ડિસેમ્બર) ના રોજ કરવામાં આવી હતી. નાથદ્વારાના શ્રીનાથજી મંદિરમાં પરિવારના સભ્યો અને મિત્રોની હાજરીમાં આ સગાઇ કરવામાં આવી હતી અને મંદિરના પૂજારીઓએ આ જોડીને આશિર્વાદ આપ્યા હતા.
આ યુગલે જીંદગીભર સાથે રહેવા માટે ભગવાન શ્રીનાથજીના આશિર્વાદ મેળવવા મંદિરમાં આખો દિવસ વિતાવ્યો અને મંદિરમાં પરંપરાગત રાજભોગ-શ્રૃંગાર સમારોહમાં ભાગ લીધો હતો. અંબાણી પરિવારે ખુશીના આ અવસર પર મુંબઇમાં એક ભવ્ય પાર્ટી આપી હતી. જેમાં બોલિવૂડના દિગ્ગજ સ્ટાર્સ ગ્લેમરસ અવતારમાં પહોંચ્યા હતા. અંબાણી પરિવારે આ પાર્ટી મુંબઇના એેન્ટિલિયામાં આપી હતી
About The Author
