પહેલા પ્રેમ બાદમાં સગાઈ અને પછી ખૂની ખેલ! વડોદરામાં યુવતીએ જ મંગેતરની હત્યા કરી નાખી

Vadodara Crime News: વડોદરા (Vadodara) શહેરના પ્રતાપનગર રેલવે કોલોની (Railway Colony) વિસ્તારમાં ત્રણ દિવસ પહેલા થયેલા યુવકના શંકાસ્પદ મોતનો ભેદ ઉકેલાયો છે. પોલીસ તપાસ અને પોસ્ટમોર્ટમ (Post-mortem) રિપોર્ટમાં એવો ચોંકાવનારો ખુલાસો થયો છે કે, યુવકનું કુદરતી મોત નથી થયું, પરંતુ તેની મંગેતરે જ તેની કરપીણ હત્યા (Murder) કરી હતી.

પ્રેમ સંબંધ અને સગાઈ બાદ શરૂ થઈ તકરાર

મૂળ છોટાઉદેપુરના રોઝકુવા ગામનો સચિન રાઠવા જેતપુરમાં ખાનગી નોકરી કરતો હતો. તેને તે જ જિલ્લાના દેવલિયા ગામની રેખા રાઠવા સાથે છેલ્લા ત્રણ વર્ષથી પ્રેમ સંબંધ (Love Affair) હતો. મે 2025માં બંનેની સામાજિક રીતે સગાઈ (Engagement) પણ થઈ હતી. રેખાને તેના પિતાના અવસાન બાદ વડોદરા રેલવેમાં રહેમરાહે નોકરી મળી હતી, જેથી છેલ્લા છ મહિનાથી સચિન અને રેખા વડોદરામાં સાથે રહેતા હતા.

શંકા અને લગ્ન કરવાની ના પાડી (Motive)

પોલીસ તપાસ અનુસાર, સચિનને શંકા હતી કે રેખાને અન્ય કોઈ યુવક સાથે સંબંધ છે. આ બાબતે બંને વચ્ચે અવારનવાર ઝઘડા થતા હતા. 29 ડિસેમ્બર 2025ના રોજ સચિને તેના પિતાને ફોન કરીને કહ્યું હતું કે, “રેખા હવે લગ્ન કરવાની ના પાડે છે, ડીજે-બગી બધું કેન્સલ કરાવી દો, તે મને ખૂબ હેરાન કરે છે.” આ ફોન બાદ બપોરે રેખાએ જ સચિનના પિતાને ફોન કરી નાટક કર્યું હતું કે, “સચિન સૂતો છે પણ જાગતો નથી, તમે જલ્દી વડોદરા આવો.”

પીએમ રિપોર્ટમાં ભાંડો ફૂટ્યો (Forensic Investigation)

સચિનના પિતા વડોદરા પહોંચ્યા ત્યારે રેખાએ એવી વાર્તા કહી હતી કે સચિન કામ પરથી આવ્યા બાદ સૂઈ ગયો છે. જોકે, પોલીસને શંકા જતાં મૃતદેહને સયાજી હોસ્પિટલ (Sayaji Hospital) ખાતે પીએમ માટે ખસેડાયો હતો. પીએમ રિપોર્ટમાં સ્પષ્ટ થયું કે સચિનનું મોત ગળાફાંસો (Strangulation) આપવાને કારણે થયું છે.

પોલીસની કડક પૂછપરછમાં સામે આવ્યું કે જ્યારે સચિન ગાઢ નિદ્રામાં હતો, ત્યારે જ રેખાએ પોતાના દુપટ્ટા (Scarf) વડે ગળાના ભાગે ટૂંપો દઈ તેની હત્યા કરી નાખી હતી. વડોદરા પોલીસે હવે રેખા સામે હત્યાનો ગુનો નોંધી કાયદેસરની કાર્યવાહી હાથ ધરી છે.