US Immigration | અમેરિકામાં રહેતા પ્રવાસીઓ (NRI) માટે ઘણીવાર પોતાના માતા-પિતાને મળવા માટે બોલાવવું ખુશીની ક્ષણ હોય છે, પરંતુ તાજેતરમાં સોશિયલ મીડિયા પર વાયરલ થયેલી એક ઘટનાએ ચિંતા વધારી દીધી છે.
એક એનઆરઆઈ (NRI) યુઝરે પોતાનો કડવો અનુભવ શેર કરતા જણાવ્યું છે કે, જ્યારે તેમના માતા-પિતા અમેરિકા પહોંચ્યા ત્યારે ઇમિગ્રેશન ઓફિસરે સામાન્ય રીતે અપાતા 6 મહિનાના સ્ટેને બદલે માત્ર 2 મહિના (60 દિવસ) ની જ પરવાનગી આપી હતી.
આ ઘટના બાદ વિદેશી પ્રવાસીઓમાં અને ખાસ કરીને ભારતીય સમુદાયમાં ચર્ચા શરૂ થઈ ગઈ છે કે શું અમેરિકન ઇમિગ્રેશનના નિયમો વધુ કડક થઈ રહ્યા છે.
સામાન્ય રીતે ટૂરિસ્ટ વિઝા (B1/B2) પર અમેરિકા આવતા પ્રવાસીઓને એન્ટ્રી સમયે એરપોર્ટ પર આવેલા કસ્ટમ્સ એન્ડ બોર્ડ પ્રોટેક્શન (CBP) અધિકારી દ્વારા મહત્તમ 6 મહિના સુધી રહેવાની છૂટ આપવામાં આવતી હોય છે.
પરંતુ આ કેસમાં ઓફિસરે માતા-પિતાના રિટર્ન ટિકિટની તારીખ અને તેમના પાછલા પ્રવાસના રેકોર્ડને ધ્યાનમાં રાખીને સ્ટેનો સમયગાળો ઘટાડી દીધો હતો.
એનઆરઆઈ સંતાનોનું કહેવું છે કે આ પ્રકારના અણધાર્યા નિર્ણયોથી પરિવારના આયોજનો પર પાણી ફરી વળે છે અને મુશ્કેલીઓનો સામનો કરવો પડે છે.
નિષ્ણાતોના જણાવ્યા અનુસાર, અમેરિકન ઇમિગ્રેશન અધિકારીઓ પાસે પ્રવાસીઓના સ્ટેની અવધિ નક્કી કરવાનો પૂરો અધિકાર હોય છે.
જો અધિકારીને શંકા જાય કે પ્રવાસી લાંબા સમય સુધી રોકાવાની ફિરાકમાં છે અથવા તેમના દસ્તાવેજોમાં કોઈ વિસંગતિ છે, તો તેઓ સ્ટેનો સમય ટૂંકો કરી શકે છે.
આ ઘટનાથી એ વાત સ્પષ્ટ થાય છે કે અમેરિકા પ્રવાસ કરતા વડીલોએ પોતાના ડોક્યુમેન્ટેશન અને રિટર્ન પ્લાન અંગે ખૂબ જ સતર્ક રહેવું જરૂરી છે, જેથી એરપોર્ટ પર કોઈપણ પ્રકારની અસુવિધાથી બચી શકાય.
વિદેશમાં વસતા NRI ભાઈઓ-બહેનો માટે ખાસ આમંત્રણ
તમારા પરિવાર, સમાજ અને સંસ્કૃતિ સાથે જોડાયેલા ખાસ પ્રસંગોને Sacharachar.com મારફતે વિશ્વભરના ગુજરાતી સમાજ સુધી પહોંચાડો.
પારિવારિક પ્રસંગો
લગ્ન, સગાઈ, જન્મદિવસ અને અન્ય ખાસ પ્રસંગો.
સામાજિક અને ધાર્મિક
નવરાત્રી, દિવાળી, ધાર્મિક અને સાંસ્કૃતિક કાર્યક્રમો.
કોમ્યુનિટી સિદ્ધિઓ
શિક્ષણ, રમતગમત, બિઝનેસ અને સામાજિક સિદ્ધિઓ.
તમારે શું મોકલવાનું?
પ્રસંગની ટૂંકી માહિતી અને 2–5 ફોટા મોકલો.