ગૌતમ રંગરાજન બન્યા UKના PM એન્ડી બર્નહામના મુખ્ય સલાહકાર

Gautam Rangarajan UK | બ્રિટનના નવરચિત વડાપ્રધાન એન્ડી બર્નહામ (Andy Burnham) ની સરકારે ભારતીય મૂળના અગ્રણી મીડિયા એક્ઝિક્યુટિવ (Media Executive) અને ભૂતપૂર્વ બીબીસી (BBC) સ્ટ્રેટેજિસ્ટ ગૌતમ રંગરાજન (Gautam Rangarajan) ની મોટા પદે તાજપોશી કરી છે.

રંગરાજનને 10 ડાઉનિંગ સ્ટ્રીટ (10 Downing Street) ખાતે યુકે સરકારના ‘એક્સપર્ટ એડવાઈઝર ઓન સ્ટ્રક્ચર એન્ડ પ્રોસેસ’ (Expert Adviser on Structure and Process) તરીકે નિયુક્ત કરવામાં આવ્યા છે.

બ્રિટિશ વડાપ્રધાન કાર્યાલય દ્વારા જારી કરાયેલી સત્તાવાર અખબારી યાદી અનુસાર, તેઓ આ જ સપ્તાહે પોતાનો નવો કાર્યભાર સંભાળશે.

ગૌતમ રંગરાજન પાસે કોર્પોરેટ સ્ટ્રેટેજી (Corporate Strategy) અને ટ્રાન્સફોર્મેશન (Transformation) નો 20 વર્ષથી વધુનો બહોળો અનુભવ છે. તેમણે પોતાની કારકિર્દીની શરૂઆત 1993 માં BBC Radio 3 ના પ્રોડ્યુસર તરીકે કરી હતી.

ત્યારબાદ તેઓ બીબીસીમાં સતત પ્રગતિ કરતા રહ્યા અને ગૃપ ડિરેક્ટર ઓફ સ્ટ્રેટેજી એન્ડ પરફોર્મન્સ (Group Director of Strategy and Performance) સુધીના ઉચ્ચ હોદ્દાઓ પર રહ્યા. તેઓ મીડિયા, ક્રિએટિવ ઈન્ડસ્ટ્રીઝ (Creative Industries) અને પબ્લિક સર્વિસ બ્રોડકાસ્ટિંગ (Public Service Broadcasting) ના ક્ષેત્રમાં નિષ્ણાત માનવામાં આવે છે.

બ્રિટિશ વડાપ્રધાન એન્ડી બર્નહામે યુકેના વહીવટી માળખામાં મોટા ફેરફારો કરવાનો સંકલ્પ વ્યક્ત કર્યો છે. તેમના આ વિઝન (Vision) ને સાકાર કરવામાં ગૌતમ રંગરાજનની ભૂમિકા ખૂબ જ મહત્વપૂર્ણ માનવામાં આવે છે.

રંગરાજન મોટા પાયાના પરિવર્તનો લાવવામાં, સંસ્થાકીય ગ્રોથ (Organisational Growth) વધારવામાં અને હાઈ-સ્ટેક્સ પોલિસી (High-stakes Policy) ના સોદા પાર પાડવામાં કુશળતા ધરાવે છે.

બર્નહામ સરકારે તાજેતરમાં જ માન્ચેસ્ટર (Manchester) ખાતે ‘નંબર 10 નોર્થ’ (No. 10 North) ની શરૂઆત કરી છે, જે સમગ્ર યુકેમાં સત્તાના વિકેન્દ્રીકરણ (Devolution) ના એજન્ડાનું પ્રતીક છે.

આ મિકેનિઝમ હેઠળ લંડનના વેસ્ટમિન્સ્ટર (Westminster) માંથી સત્તાનું હસ્તાંતરણ સ્થાનિક વિસ્તારોમાં કરવામાં આવી રહ્યું છે જેથી નાગરિક સેવાઓ વધુ સુવ્યવસ્થિત બની શકે. આ ઉપરાંત, વડાપ્રધાને ‘ઓફિસ ફોર ધ પીએમ એન્ડ કેબિનેટ’ (OPMC) ની પણ સ્થાપના કરી છે.

યુકે સંસદના સમર રિસેસ (Summer Recess) દરમિયાન લેવાયેલા આ નિર્ણયો બતાવે છે કે બર્નહામ સરકાર ઝડપી વહીવટી ફેરફારો માટે ગંભીર છે. આ મોટા ઓપરેશનલ ફેરફારો અને નીતિગત પડકારો વચ્ચે ગૌતમ રંગરાજન યુકે સરકારને યોગ્ય માર્ગદર્શન પૂરું પાડશે.