Punjab girl Murder in Toronto Canada| કેનેડાના ટોરોન્ટો (Toronto) શહેરમાં પંજાબની 26 વર્ષીય ભારતીય મૂળની યુવતી નવનીત કૌર (Navneet Kaur) ની જાહેર રસ્તા પર ગોળી મારીને ઘાતકી હત્યા કરવામાં આવી છે.
ટોરોન્ટો પોલીસ સર્વિસના (Toronto Police Service) જણાવ્યા અનુસાર, વર્ષ 2026 માં ટોરોન્ટો શહેરમાં બનેલી આ 22મી હોમિસાઇડ (Homicide) એટલે કે હત્યાની ઘટના છે.
આ ઘટના શુક્રવાર, 24 જુલાઈ 2026 ના રોજ સવારે બનવા પામી હતી. સવારે આશરે 7:23 વાગ્યે હમ્બરવુડ બુલવર્ડ અને રેક્સડેલ બુલવર્ડના ઇન્ટરસેક્શન પાસે ગોળીબાર થયો હોવાની માહિતી પોલીસને મળી હતી. ઘટનાસ્થળે પહોંચેલી પોલીસને નવનીત કૌર ગોળી વાગવાથી ગંભીર હાલતમાં મળી આવી હતી. બચાવ કાર્યના પ્રયાસો છતાં તેને સ્થળ પર જ મૃત જાહેર કરવામાં આવી હતી.
પ્રત્યક્ષદર્શીઓના જણાવ્યા મુજબ, નવનીત કૌર રસ્તા પર ચાલી રહી હતી ત્યારે બ્રામ્પટન (Brampton) ના રહેવાસી 37 વર્ષીય શરણજીત સિંહે (Sharnjeet Singh) આવીને તેની સાથે થોડી ક્ષણો વાતચીત કરી હતી અને ત્યારબાદ તેને ગોળી મારીને ફરાર થઈ ગયો હતો.
ઘટના બાદ પોલીસે ડ્રોન (Drones) અને કે9 યુનિટ (K9 Units) સહિત સંસાધનો સાથે વ્યાપક શોધખોળ શરૂ કરી હતી. ઓન્ટારિયો પ્રોવિન્શિયલ પોલીસે આરોપી શરણજીત સિંહને શોધી કાઢીને તેની ધરપકડ કરી છે. તેની સામે ફર્સ્ટ-ડિગ્રી મર્ડર (First-Degree Murder) અને અગાઉના અંડરટેકિંગ કાયદાના ઉલ્લંઘનનો ગુનો દાખલ કરવામાં આવ્યો છે.
પોલીસના મતે આ એક ટાર્ગેટેડ (Targeted) એટેક હતો. હત્યા પાછળનો મુખ્ય હેતુ જાણવા માટે હોમિસાઇડ યુનિટ વધુ તપાસ ચલાવી રહ્યું છે.