સુરતના પલસાણામાં ગેસ લીકેજ બાદ બ્લાસ્ટ: ઘર માલિક અને પાડોશી સહિત 3 ના મોત

Surat Gas Blast | સુરત જિલ્લાના પલસાણા (Palsana) તાલુકાના ચલથાણ ગામમાં એક હૃદયદ્રાવક ઘટના બની છે. અહીં એક રહેણાંક ઘરમાં ગેસ લીકેજ (Gas Leakage) થયા બાદ થયેલા પ્રચંડ બ્લાસ્ટમાં (Blast) ઘર માલિક, પાડોશી મહિલા અને તેના પુત્ર સહિત કુલ 3 લોકોના કરૂણ મોત નીપજ્યા છે.

ઘટનાની વિગત: મૂળ ઉત્તર પ્રદેશના વતની નીરજ મિશ્રા (Neeraj Mishra) ચલથાણના ખુમાનસિંહની વાડી વિસ્તારમાં રહેતા હતા. ગત 17 એપ્રિલના રોજ તેમના રૂમમાં ગેસ લીક થયો હતો. નીરજ જ્યારે નોકરીથી પરત આવ્યા ત્યારે પાડોશમાં રહેતી મહિલા દુર્ગાવતી યાદવે તેમને ગેસની ગંધ (Smell) આવતી હોવાની જાણ કરી હતી. તપાસ કરવા માટે નીરજે જેવી રૂમની લાઈટ (Light Switch) ચાલુ કરી, કે તરત જ જોરદાર વિસ્ફોટ થયો હતો.

સારવાર દરમિયાન તોડ્યા દમ: આ બ્લાસ્ટ એટલો ભયાનક હતો કે નીરજ મિશ્રા, પાડોશી મહિલા અને તેમના 4 બાળકો ગંભીર રીતે દાઝી (Burn Injuries) ગયા હતા. તમામ 6 લોકોને તાત્કાલિક હોસ્પિટલ (Hospital) ખસેડવામાં આવ્યા હતા. જોકે, સારવાર દરમિયાન નીરજ મિશ્રા, દુર્ગાવતી દેવી અને તેમના પુત્ર અનુજનું મોત થયું છે. એકસાથે 3 લોકોના મોતથી સમગ્ર વિસ્તારમાં શોકનું મોજું ફરી વળ્યું છે.