National

સુરતમાં રેસિડેન્ટ ડોક્ટરનો હોસ્ટેલમાં આપઘાત: રેગિંગ અને માનસિક ત્રાસના આરોપ બાદ 4 સીનિયર ડોક્ટરો સસ્પેન્ડ

Surat Doctor Suicide | સુરત (Surat)ની નવી સિવિલ હોસ્પિટલ (New Civil Hospital Surat) અને ગવર્નમેન્ટ મેડિકલ કોલેજ (GMC)ની પી.જી. બોયઝ હોસ્ટેલ (PG Boys Hostel)માં પ્રથમ વર્ષના રેસિડેન્ટ ડોક્ટર (Resident Doctor) હર્ષ પંડ્યા (Dr. Harsh Pandya)ના રહસ્યમય આપઘાત (Suicide)ની ઘટનાથી મેડિકલ આલમમાં અરેરાટી વ્યાપી ગઈ છે.

29 વર્ષીય મૃતક ડોક્ટર પોતાના રૂમમાં પંખા સાથે લટકતી હાલતમાં મળી આવ્યા હતા. પરિવારજનો અને અન્ય જૂનિયર વિદ્યાર્થીઓ દ્વારા રેગિંગ (Ragging) તેમજ માનસિક ત્રાસ (Mental Harassment)ના ગંભીર આરોપો લગાવ્યા બાદ તંત્ર દ્વારા આકરાં પગલાં ભરીને ૪ સીનિયર રેસિડેન્ટ ડોક્ટરોને ૬ મહિના માટે સસ્પેન્ડ (Suspended) કરી દેવામાં આવ્યા છે.

અરવલ્લી (Aravalli) જિલ્લાના વતની અને એમડી માઇક્રોબાયોલોજી (MD Microbiology)ના પ્રથમ વર્ષના વિદ્યાર્થી ડો. હર્ષ પંડ્યા રવિવારે હોસ્પિટલની ડ્યૂટી પર ન પહોંચતા સાથી મિત્રો હોસ્ટેલના રૂમ નંબર 1005 પર પહોંચ્યા હતા.

રૂમ અંદરથી બંધ હોવાથી દરવાજો તોડીને જોતાં તેઓ આપઘાત કરેલી હાલતમાં મળી આવ્યા હતા. મૃતકના પિતા અને અન્ય 9 જૂનિયર વિદ્યાર્થીઓએ લેખિત ફરિયાદ નોંધાવી હતી કે સીનિયરો દ્વારા સતત ગાળાગાળી, અમાનવીય વર્તન અને શારીરિક-માનસિક ત્રાસ આપવામાં આવતો હતો.

ઘટનાની ગંભીરતાને ધ્યાનમાં રાખીને ગૃહ અને આરોગ્ય રાજ્ય મંત્રી પ્રફુલ પાનસેરિયા (Praful Pansheriya)ની સૂચનાથી એન્ટી-રેગિંગ કમિટી (Anti-Ragging Committee)ની તાત્કાલિક બેઠક યોજાઈ હતી.

રાત્રે 8 વાગ્યાથી સવારે 4 વાગ્યા સુધી ચાલેલી સઘન તપાસમાં રેગિંગ અને શિસ્તભંગના સ્પષ્ટ પુરાવા મળી આવ્યા હતા. જેના આધારે તંત્ર દ્વારા 4 સીનિયર તબીબો – ડો. નિરાલી વસાવે, ડો. અનુજ મહેશ્વરી, ડો. દીક્ષિત ઘેવારિયા અને ડો. હીના ભૂતને 6 મહિના માટે હોસ્પિટલ કામગીરી, હોસ્ટેલ અને શૈક્ષણિક પ્રવૃત્તિઓમાંથી સસ્પેન્ડ કરવાનો આદેશ આપવામાં આવ્યો છે.

આ ઉપરાંત માઇક્રોબાયોલોજી વિભાગના વડા (HOD) સહિત ૪ ફેકલ્ટી સભ્યોને પણ કારણ દર્શાવો નોટિસ (Show Cause Notice) પાઠવવામાં આવી છે.

ખટોદરા પોલીસ (Khatodara Police) દ્વારા આ મામલે અકસ્માતે મોતનો ગુનો નોંધીને એન્ટી-રેગિંગ એક્ટ (Anti-Ragging Act) હેઠળ વધુ કાનૂની કાર્યવાહી હાથ ધરવામાં આવી છે.

Chief Editor

Recent Posts

ટેક્સાસ…ફ્રિસ્કોમાં નવા જૈન સેન્ટરનું ભૂમિપૂજન ફ્રિસ્કો

ફ્રિસ્કોમાં નવા જૈન સેન્ટરનું ભૂમિપૂજન ફ્રિસ્કો, ટેક્સાસ: જૈન સોસાયટી ઓફ નોર્થ ટેક્સાસ (JSNT) 14 નવેમ્બર,…

4 hours ago

ગુજરાત અને આસામ વચ્ચે આર્થિક સહયોગને મળશે નવી ગતિ

 વાઇબ્રન્ટ ગુજરાત ગ્લોબલ સમિટ-2027માં ઉપસ્થિત રહેવા આસામના મુખ્યમંત્રી શ્રી હિમંતા બિસ્વા સરમાને આમંત્રણ પાઠવાયું ગાંધીનગર,…

14 hours ago

લોસએંજલસમાં આેટલાનું નૂતનવર્ષ દિવાળી સ્નેહમિલન

લોસએંજલસમાં આેટલનું નૂતનવર્ષ દિવાળી સ્નેહમિલન આેટલો નૂતનવર્ષ દિવાળી સ્નેહમિલન Report "ઓટલો દે છે આવકારો ને…

3 days ago

शिकागो में बावीस गांव पाटीदार समाज ने धूमधाम से मनाई दिवाली और नववर्ष

Chicago Patidar Samaj | शिकागो में बावीस गांव पाटीदार समाज की ओर से दिवाली और…

3 days ago

શિકાગોમાં બાવીસ ગામ પાટીદાર સમાજ દ્વારા દિવાળી અને નૂતન વર્ષની ભવ્ય ઉજવણી

Chicago Patidar Samaj | શિકાગો ખાતે બાવીસ ગામ પાટીદાર સમાજ દ્વારા દિવાળી અને નૂતન વર્ષની…

3 days ago

સુરતી લેઉવા પાટીદાર સિનિયર ગ્રુપની દિવાળી રમઝટ

સુરતી લેઉવા પાટીદાર સિનિયર ગ્રુપની દિવાળી ઉજવણીમાં સંગીત, ગરબા અને સુરતી ભોજનની રમઝટ  સુરતી લેઉવા…

3 days ago