પ્રતિકાત્મક તસવીર : ફોટો : Freepik
Social Media Engagement Report 2026: સોશિયલ મીડિયા (Social Media) પર કન્ટેન્ટનો અવિરત પ્રવાહ વહી રહ્યો છે, પરંતુ યુઝર્સનું જોડાણ એટલે કે એંગેજમેન્ટ (Engagement) સતત ઘટી રહ્યું છે. સોશિયલ મીડિયા મેનેજમેન્ટ પ્લેટફોર્મ ‘બફર’ (Buffer) ના લેટેસ્ટ રિપોર્ટમાં 52 મિલિયન પોસ્ટનું વિશ્લેષણ કરવામાં આવ્યું, જેમાં જાણવા મળ્યું છે કે મોટાભાગના પ્લેટફોર્મ્સ પર એંગેજમેન્ટ રેટ (Engagement Rate) નીચે ગયો છે. આ ઘટાડા પાછળ એઆઈ-જનરેટેડ કન્ટેન્ટ (AI-generated content) અને બદલાતા અલ્ગોરિધમ (Algorithm) જવાબદાર હોવાનું માનવામાં આવે છે.
શા માટે ઘટી રહ્યું છે એંગેજમેન્ટ? ‘દ સ્ટેટ ઓફ સોશિયલ મીડિયા એંગેજમેન્ટ 2026’ રિપોર્ટ મુજબ, 1.91 લાખ માસિક યુઝર્સના ડેટા પરથી સાબિત થયું છે કે વર્ષ 2024 ની સરખામણીએ 2025 માં ઇન્ટરેક્શન ઘટ્યું છે. ઇન્સ્ટાગ્રામ (Instagram), લિંક્ડઈન (LinkedIn) અને થ્રેડ્સ (Threads) જેવા પ્લેટફોર્મ પર ઘટાડો જોવા મળ્યો છે. જ્યારે ફેસબુક (Facebook), પિન્ટરેસ્ટ (Pinterest) અને ટિકટોક (TikTok) પર સામાન્ય વધારો થયો છે. આશ્ચર્યજનક રીતે, એક્સ (X) પર ગયા વર્ષ કરતા વધુ એંગેજમેન્ટ નોંધાયું છે.
કન્ટેન્ટ વધ્યું પણ જોડાણ ઘટ્યું વર્ષ 2025 માં પોસ્ટની સંખ્યા બમણી કે ત્રણ ગણી થઈ ગઈ, પરંતુ યુઝર્સની પ્રતિક્રિયામાં વધારો થયો નથી. ટાઈમલાઈનમાં અસલી અને માનવીય અનુભવ (Human Experience) ધરાવતા કન્ટેન્ટને બદલે સુઝાવ આપતી પોસ્ટ (Suggested posts) અને જાહેરાતો (Ads) વધુ દેખાવા લાગી છે. પ્લેટફોર્મ્સ અત્યારે શોર્ટ વીડિયો (Short videos) અને રીલ્સને વધુ મહત્વ આપી રહ્યા છે, જેના કારણે યુઝર્સ પોતાની પસંદગીનું કન્ટેન્ટ ચૂકી જાય છે.
ફોર્મેટ અને પ્લેટફોર્મનો સંબંધ રિપોર્ટમાં જણાવાયું છે કે લિંક્ડઈન પર કેરોયુઝલ પોસ્ટ (Carousel posts) વધુ એંગેજમેન્ટ મેળવે છે, જ્યારે ઇન્સ્ટાગ્રામ પર રીલ્સ (Reels) સૌથી લોકપ્રિય છે. તમારી ફીડ સુધારવા માટે તમે અનિચ્છનીય એકાઉન્ટ્સને મ્યુટ કે હાઈડ (Hide) કરી શકો છો અથવા ‘Not Interested’ વિકલ્પ પસંદ કરી શકો છો.