SEBI Influencer Rules | જો તમે સોશિયલ મીડિયા (Social Media) પર એક્ટિવ છો અને તમારા 5 લાખથી વધુ સબસ્ક્રાઈબર્સ (Subscribers) કે ફોલોઅર્સ (Followers) છે, તો હવે તમે કાનૂની રીતે ‘સેલિબ્રિટી’ (Celebrity) ગણાશો.
માર્કેટ રેગ્યુલેટર (Market Regulator) સેબી (SEBI) ફાઈનાન્સિયલ વિજ્ઞાપનોના નિયમોમાં મોટો ફેરફાર કરવા જઈ રહ્યું છે. સેબીના નવા પ્રસ્તાવ મુજબ, કોઈપણ એક ડિજિટલ પ્લેટફોર્મ (Digital Platform) પર 5 લાખથી વધુ ફોલોઅર્સ ધરાવતા ઈન્ફ્લુએન્સર્સ (Influencers) પર હવે મોટા સ્ટાર્સ જેવા જ કડક નિયમો અને પ્રતિબંધો લાગુ થશે.
સેબીએ સેલિબ્રિટીની વ્યાખ્યા ઘણી મોટી કરી છે. આ નિયમ હેઠળ આંતરરાષ્ટ્રીય સ્તરે દેશનું નામ રોશન કરનારા એથ્લેટ્સ (Athletes), ક્રિકેટ (Cricket) કે કબડ્ડી (Kabaddi) જેવા લોકપ્રિય રમતના ખેલાડીઓનો સમાવેશ થશે.
આ સિવાય ટીવી (TV) કે ઓટીટી (OTT) પર આવતા રિયાલિટી શો (Reality Show) ના વિજેતા અને રનર-અપ તેમજ ટીવી શો, ન્યૂઝ (News) કે કોમેડી શો (Comedy Show) ના એવા એન્કર્સ (Anchors) જેમણે ઓછામાં ઓછા 10 એપિસોડ (Episodes) કર્યા હોય, તેઓ પણ આ દાયરામાં આવશે.
આ પ્રસ્તાવમાં કોમ્પ્યુટરથી બનેલા ‘AI અવતાર’ (AI Avatars) ને પણ આવરી લેવાયા છે. સેબીએ આ ડ્રાફ્ટ (Draft) પર સામાન્ય જનતા અને નિષ્ણાતો પાસેથી 14 જુલાઈ 2026 સુધી સૂચનો માગ્યા છે.
આ પ્રસ્તાવ પાસ થયા પછી મ્યુચ્યુઅલ ફંડ (Mutual Fund) કે શેર બ્રોકર (Share Broker) જેવી નાણાકીય કંપનીઓ (Financial Companies) અને આ ઈન્ફ્લુએન્સર્સ માટે જાહેરાતો કરવી સરળ નહીં રહે.
આ સેલિબ્રિટીઝ માત્ર કંપનીના બ્રાન્ડનું પ્રમોશન (Promotion) કરી શકશે, પરંતુ કોઈ ખાસ શેર (Share) કે મ્યુચ્યુઅલ ફંડ સ્કીમ (Scheme) ખરીદવાની સલાહ કે ગેરંટી (Guarantee) આપી શકશે નહીં. સેલિબ્રિટીવાળી આવી જાહેરાતોને લોકો સામે મૂકતા પહેલાં સેબીની મંજૂરી લેવી પડશે.
નવા નિયમો હેઠળ જાહેરાતોમાં ગેરંટીડ પ્રોફિટ (Guaranteed Profit) નો દાવો કરવા, ભ્રામક સરખામણીઓ કરવા અથવા વધુ ટ્રેડિંગ (Trading) કરવા પર કેશબેક (Cashback) અને વાઉચર (Voucher) જેવી લાલચો આપવા પર સંપૂર્ણ પ્રતિબંધ મુકાશે.