સાઉદીએ અમેરિકા અને ઈઝરાયલ સાથે મળીને ઈરાન પર કરી હતી સીક્રેટ એર સ્ટ્રાઈક

Saudi Arabia attacked Iran during war | ઈરાન (Iran) અને અમેરિકા (America) વચ્ચેના સંઘર્ષમાં અત્યાર સુધી પડદા પાછળ રહેલા સાઉદી અરેબિયાએ (Saudi Arabia) મોટું પગલું ભર્યું હોવાના અહેવાલ છે.

ન્યૂઝ એજન્સી રોયટર્સના (Reuters) સનસનીખેજ રિપોર્ટ મુજબ, સાઉદી એરફોર્સે (Saudi Arabia Air Force) માર્ચ મહિનાના અંતમાં ઈરાનની ધરતી પર ગુપ્ત હવાઈ હુમલા (Air Strikes) કર્યા હતા. આ હુમલા એટલા ગુપ્ત હતા કે દુનિયાને તેની ભણક પણ લાગી નહોતી.

તપાસમાં જાણવા મળ્યું છે કે આ હુમલાઓ સાઉદી અરેબિયા પર થયેલા ડ્રોન (Drone) અને મિસાઈલ (Missile) હુમલાના વળતા પ્રહાર તરીકે કરવામાં આવ્યા હતા.

માર્ચના છેલ્લા અઠવાડિયામાં જ્યારે ઈરાન ખાડી દેશોમાં આવેલા અમેરિકન સૈન્ય મથકોને (Military Bases) નિશાન બનાવી રહ્યું હતું, ત્યારે સાઉદીએ પોતાની સુરક્ષા માટે આ આક્રમક વલણ અપનાવ્યું હતું.

આંકડાકીય રીતે જોઈએ તો, 25 થી 31 માર્ચ વચ્ચે સાઉદી પર 105 થી વધુ હુમલા થયા હતા, જે સાઉદીના વળતા પ્રહાર બાદ 1 થી 6 એપ્રિલ દરમિયાન ઘટીને માત્ર 25 રહી ગયા હતા.

સાઉદી ઉપરાંત સંયુક્ત આરબ અમીરાત (UAE) પર પણ ઈરાન વિરુદ્ધ આવી જ ગુપ્ત કાર્યવાહી કરવાના આરોપો લાગ્યા છે. જોકે, બંને દેશોના વિદેશ મંત્રાલયે (Foreign Ministry) હજુ સુધી કોઈ સત્તાવાર પુષ્ટિ કરી નથી. આ ખુલાસાથી સાબિત થાય છે કે પશ્ચિમ એશિયામાં (West Asia) હવે યુદ્ધની સ્થિતિ વધુ ગંભીર બની રહી છે.