અમેરિકામાં રિલાયન્સનું રોકાણ: ટ્રમ્પની નવી રિફાઈનરીની જાહેરાત

Reliance Investment in US: અમેરિકન પ્રમુખ (US President) ડોનાલ્ડ ટ્રમ્પે (Donald Trump) ટેક્સાસમાં 50 વર્ષ પછી પહેલી નવી ઓઈલ રિફાઈનરી (Oil Refinery) સ્થાપવાની ઐતિહાસિક જાહેરાત કરી છે. આ મહત્વાકાંક્ષી પ્રોજેક્ટમાં ભારતની જાયન્ટ કંપની રિલાયન્સ ઇન્ડસ્ટ્રીઝ લિમિટેડ (Reliance Industries Limited – RIL) મુખ્ય ભાગીદાર બની છે અને અબજો ડોલરનું રોકાણ (Investment) કરવા જઈ રહી છે.

ઐતિહાસિક $300 બિલિયનની ડીલ ડોનાલ્ડ ટ્રમ્પે તેમના સોશિયલ મીડિયા (Social Media) પ્લેટફોર્મ ‘ટ્રુથ સોશિયલ’ પર માહિતી આપી કે ‘અમેરિકા ફર્સ્ટ રિફાઇનિંગ’ (America First Refining) ટેક્સાસના બ્રાઉન્સવિલેમાં દેશની પ્રથમ નવી રિફાઈનરી સ્થાપશે. ટ્રમ્પે તેને અમેરિકાના ઈતિહાસની સૌથી મોટી $300 બિલિયનની ડીલ ગણાવી છે અને આ ભાગીદારી બદલ રિલાયન્સ તથા ભારતનો આભાર માન્યો છે.

રિલાયન્સ સાથે 20 વર્ષનો કરાર આ પ્રોજેક્ટની સૌથી મહત્વની કડી ભારતની રિલાયન્સ (Reliance) છે. રિલાયન્સે આ નવી રિફાઈનરીમાં તૈયાર થનારા ઇંધણને (Fuel) ખરીદવા અને વેચવા માટે 20 વર્ષનો લાંબાગાળાનો કરાર (Long-term Agreement) કર્યો છે. વ્હાઇટ હાઉસ (White House) આ ડીલને એનર્જી સેક્ટરમાં ગેમ-ચેન્જર (Game-changer) માની રહ્યું છે.

શા માટે આ રિફાઈનરી મહત્વની છે? વૈશ્વિક સ્તરે ઈરાન-ઈઝરાયેલ યુદ્ધને (Iran-Israel War) કારણે તેલના ભાવમાં વધારો થઈ રહ્યો છે ત્યારે ‘અમેરિકન એનર્જી ડોમિનન્સ’ (Energy Dominance) નીતિ હેઠળ આ પગલું લેવાયું છે. આ રિફાઈનરી દરરોજ અંદાજે 1,60,000 બેરલ તેલ પ્રોસેસ કરવાની ક્ષમતા (Capacity) ધરાવશે. તેને ખાસ કરીને અમેરિકી શેલ તેલ (Shale Oil) પ્રોસેસ કરવા માટે ડિઝાઇન કરવામાં આવી છે. આ પ્રોજેક્ટથી સાઉથ ટેક્સાસમાં હજારો નોકરીઓ (Jobs) ઉભી થશે.

દુનિયાની સૌથી સ્વચ્છ રિફાઈનરી ટ્રમ્પે દાવો કર્યો છે કે આ વિશ્વની સૌથી ‘ક્લીન’ (Cleanest Refinery) રિફાઈનરી હશે. પરમિટ પ્રક્રિયા સરળ બનાવવી અને ટેક્સમાં (Tax) ઘટાડો કરવાના કારણે આ રોકાણ શક્ય બન્યું છે. રિફાઈનરીનું નિર્માણ (Construction) આ વર્ષના બીજા ક્વાર્ટરમાં (2nd Quarter) શરૂ થવાની ધારણા છે.