JM ફાઇનાન્શિયલે Yes Bankના શેરનું રેટિંગ ડાઉનગ્રેડ કર્યું, આપ્યો નવો ટાર્ગેટ

બ્રોકરેજ ફર્મ જેએમ ફાઇનાન્શિયલ (JM Financial) દ્વારા ખાનગી ક્ષેત્રની યસ બેંક (Yes Bank)ના શેર પરનું રેટિંગ ડાઉનગ્રેડ (Downgrade) કરવામાં આવ્યું છે. બ્રોકરેજે આ સ્ટોકને ‘રિડ્યુસ’ (Reduce) રેટિંગ આપ્યું છે, જેનો અર્થ એ થાય કે રોકાણકારો (Investors) ને વર્તમાન સ્તરે શેર ઘટાડવાની સલાહ આપવામાં આવી છે.

આ સાથે જ આગામી 12 મહિના માટે યસ બેંકનો ટાર્ગેટ પ્રાઇસ (Target Price) 22 રૂપિયા નક્કી કરવામાં આવ્યો છે, જે વર્તમાન કિંમતથી આશરે 8 ટકાનો ઘટાડો દર્શાવે છે.

બેંકના પ્રથમ ક્વાર્ટર (Q1FY27) ના પરિણામોમાં ઓપરેશનલ સુધારો જોવા મળ્યો છે. બેંકનો નફો વાર્ષિક ધોરણે 34 ટકા વધ્યો છે અને લોન ગ્રોથ (Loan Growth) પણ 18 ટકાથી વધુ રહ્યો છે. આ ઉપરાંત બેંકનો નેટ ઇન્ટરેસ્ટ માર્જિન (Net Interest Margin – NIM) 4 બેસિસ પોઇન્ટ વધીને 2.39 ટકા થયો છે.

જોકે, આ સારા ઓપરેશનલ પ્રદર્શન છતાં બ્રોકરેજ કંપની માટે સૌથી મોટી ચિંતા સ્ટ્રેસ્ડ એસેટ્સ રિકવરી (Stressed Asset Recovery) માં આવેલો મોટો ઘટાડો છે, જેના કારણે ભવિષ્યમાં બેંકની કમાણી પર દબાણ વધી શકે છે અને ક્રેડિટ કોસ્ટ (Credit Cost) પણ વધી છે.

આ ઉપરાંત બેંકની ફંડિંગ પ્રોફાઇલ (Funding Profile) માં પણ નબળાઈના સંકેત મળ્યા છે, જ્યાં ડિપોઝિટ ગ્રોથ (Deposit Growth) માં ઘટાડો થયો છે અને કાસા રેશિયો (CASA Ratio) ઘટીને આશરે 33 ટકા પર આવી ગયો છે.

બીજી તરફ, બેંક મેનેજમેન્ટે નાણાકીય વર્ષ 2027 (FY27) માટે 15 થી 17 ટકા લોન ગ્રોથ અને આગામી 2 વર્ષમાં 3 ટકાથી વધુ નેટ ઇન્ટરેસ્ટ માર્જિન (NIM) મેળવવાનો લક્ષ્યાંક રાખ્યો છે. બ્રોકરેજે યસ બેંકના શેરનો ટાર્ગેટ પહેલાના 17 રૂપિયાથી વધારીને 22 રૂપિયા કર્યો છે પરંતુ રેટિંગ ઘટાડીને ‘રિડ્યુસ’ રાખ્યું છે.