BCCIની નવી કોન્ટ્રાક્ટ સિસ્ટમમાં જસપ્રીત બુમરાહને 2 કરોડનું નુકસાન, જાણો શું છે આખો મામલો

BCCI Central Contract: ભારતીય ક્રિકેટ કંટ્રોલ બોર્ડ (BCCI) ના એક નિર્ણયથી સ્ટાર ફાસ્ટ બોલર જસપ્રીત બુમરાહને 2 કરોડ રૂપિયાનો ફટકો લાગ્યો છે. વર્ષ 2025-26 ના નવા સેન્ટ્રલ કોન્ટ્રાક્ટમાં બુમરાહ (Jasprit Bumrah)ને ડિમોટ (Demote) કરવામાં આવતા બોર્ડની સિસ્ટમ સવાલોના ઘેરામાં આવી ગઈ છે.

A+ કેટેગરી (Category) થઈ ખતમ? અગાઉના કોન્ટ્રાક્ટમાં રોહિત શર્મા, વિરાટ કોહલી, રવિન્દ્ર જાડેજા અને જસપ્રીત બુમરાહ A+ કેટેગરી નો હિસ્સો હતા. જોકે, નવા નિયમો મુજબ બોર્ડે આ કેટેગરીમાં ફેરફાર કરતા બુમરાહને હવે A કેટેગરી માં મૂકવામાં આવ્યો છે. રોહિત અને વિરાટ હવે મર્યાદિત ફોર્મેટ (Format) રમે છે, પરંતુ બુમરાહ ત્રણેય ફોર્મેટમાં એક્ટિવ હોવા છતાં તેને નીચેના ગ્રેડમાં મૂકવામાં આવ્યો છે.

બુમરાહને કેવી રીતે થયો 2 કરોડનો ફટકો? BCCI ના પેમેન્ટ સ્ટ્રક્ચર (Payment Structure) મુજબ:

A+ કેટેગરી: વાર્ષિક 7 કરોડ રૂપિયા.

A કેટેગરી: વાર્ષિક 5 કરોડ રૂપિયા.

બુમરાહને A કેટેગરીમાં રાખવાને કારણે તેને સીધું 2 કરોડ રૂપિયાનું આર્થિક નુકસાન થયું છે. ચાહકો અને નિષ્ણાતો આને ખેલાડી સાથે અન્યાય ગણાવી રહ્યા છે.

BCCI ભરપાઈ કરવા અંગે વિચારી રહ્યું છે એક અહેવાલ મુજબ, BCCI ના અધિકારીઓએ સ્વીકાર્યું છે કે બુમરાહ જેવા પ્રદર્શન કરનાર ખેલાડીની ફી ઘટાડવી એ યોગ્ય નથી. બોર્ડ હવે આ નુકસાનની ભરપાઈ કરવા માટે અન્ય કોઈ રસ્તો અથવા કોન્ટ્રાક્ટ વેલ્યુએશનમાં (Contract Valuation) ફેરફાર કરવા અંગે ગંભીરતાથી વિચારણા કરી રહ્યું છે.