કેનેડામાં ભારત સરકારના એજન્ટો (Agents) દ્વારા થતી કહેવાતી ગુપ્ત પ્રવૃત્તિઓ અને આંતરરાષ્ટ્રીય દમન (International Repression) ને લઈને રોયલ કેનેડિયન માઉન્ટેડ પોલીસ (RCMP) એ મહત્વનું સ્પષ્ટીકરણ આપ્યું છે. RCMP કમિશનર માઈક ડૂહમેએ સ્પષ્ટ કર્યું છે કે, હાલની માહિતી મુજબ કેનેડામાં એવી કોઈ ગુપ્ત ગતિવિધિઓ ચાલી રહી નથી, જેના તાર ભારત સરકાર સાથે જોડાયેલા હોય.
તપાસમાં કોઈ વિદેશી સંસ્થાની સંડોવણી નથી એક ટીવી ઇન્ટરવ્યુમાં ડૂહમેએ જણાવ્યું હતું કે, અત્યારે પોલીસ પાસે જે તપાસ ફાઇલો (Investigation Files) છે, તેમાં કોઈ વિદેશી સંસ્થા કે દેશની સંડોવણી જોવા મળી નથી. કેનેડામાં વ્યક્તિગત સ્તરે ડરાવવાની પ્રવૃત્તિઓ હોઈ શકે છે, પરંતુ તે કોઈ વિદેશી એજન્સી દ્વારા પ્રાયોજિત (Sponsored) હોય તેવું જણાતું નથી. તેમણે સ્વીકાર્યું કે કોઈ વિશિષ્ટ વિદેશી સંસ્થા સાથે સીધો સંબંધ સ્થાપિત કરવો અત્યંત મુશ્કેલ છે.
PM માર્ક કાર્ની અને ભારત સાથેના સંબંધો કેનેડામાં સત્તા પરિવર્તન બાદ વડાપ્રધાન (PM) માર્ક કાર્ની ભારત સાથેના સંબંધો સુધારવા માટે સક્રિય છે. June 2025 પછી PM માર્ક કાર્ની અને ભારતીય વડાપ્રધાન નરેન્દ્ર મોદી વચ્ચે 3 વખત મુલાકાત થઈ ચૂકી છે. બંને દેશોએ પરસ્પર નવા હાઈકમિશનર (High Commissioner) ની નિમણૂક પણ કરી છે.
વિવાદનો ઈતિહાસ નોંધનીય છે કે 2023 માં તત્કાલીન PM જસ્ટિન ટ્રુડોએ હરદીપ સિંહ નિજ્જરની હત્યામાં ભારતનો હાથ હોવાનો આરોપ લગાવ્યો હતો. ત્યારબાદ 2024 માં બંને દેશોએ 6-6 રાજદ્વારીઓને હાંકી કાઢ્યા હતા. જોકે, RCMP ચીફનું આ નવું નિવેદન ભારત માટે મોટી રાજદ્વારી જીત (Diplomatic Victory) સમાન છે.
