વૈશ્વિક પડકારો વચ્ચે પણ ભારતીય અર્થતંત્ર મજબૂત, ઘરઆંગણે માંગ અને ઉત્પાદનમાં તેજીનો દાવો

વૈશ્વિક સ્તરે આર્થિક અને જીઓપોલિટિકલ (Geopolitical) અસ્થિરતા વચ્ચે પણ ભારતીય અર્થતંત્ર (Indian Economy) સતત મજબૂતી દર્શાવી રહ્યું છે.

ભારતીય રિઝર્વ બેંક (RBI)ના ઓગસ્ટ મહિનાના બુલેટિનમાં જણાવવામાં આવ્યું છે કે મજબૂત સ્થાનિક માંગ (Domestic Demand), ઉત્પાદન ક્ષેત્રે (Manufacturing Sector) તેજી અને ચોમાસામાં થયેલા સુધારાને કારણે દેશનું આર્થિક ચક્ર યોગ્ય દિશામાં આગળ વધી રહ્યું છે.

રિઝર્વ બેંકના રિપોર્ટ અનુસાર, વિશ્વના અનેક દેશો હાલમાં વેપાર સંબંધિત અનિશ્ચિતતાઓનો સામનો કરી રહ્યા છે, પરંતુ ભારતીય અર્થતંત્ર પર તેની અસર ઘણી ઓછી જોવા મળી છે.

ખાસ કરીને જુલાઈ મહિનામાં ચોમાસાની ઝડપ વધવાથી કૃષિ ક્ષેત્ર (Agricultural Sector) પરનું જોખમ ઘણું ઓછું થયું છે. આ ઉપરાંત, માર્કેટમાં લિક્વિડિટીની સ્થિતિ સુધરવાથી ધિરાણ અને રોકાણની પ્રવૃત્તિઓને પ્રોત્સાહન મળ્યું છે.

અમેરિકી ટેરિફની ભારત પર ઓછી અસર: RBI ના બુલેટિનમાં ખાસ ઉલ્લેખ કરવામાં આવ્યો છે કે અમેરિકા (USA) દ્વારા લાદવામાં આવેલા વધારાના 10% ટેક્સ (Section 301 Tariff) ની અસર ચીન (China), વિયેતનામ અને થાઈલેન્ડ જેવા એશિયન દેશોની સરખામણીએ ભારત પર ખૂબ જ ઓછી પડશે.

તેનું મુખ્ય કારણ એ છે કે ભારતમાંથી અમેરિકા નિકાસ થતી મુખ્ય વસ્તુઓ જેવી કે સ્માર્ટફોન (Smartphones), પેટ્રોલિયમ પ્રોડક્ટ્સ (Petroleum Products) અને ફાર્માસ્યુટિકલ દવાઓ (Pharmaceutical Medicines) આ વધારાના ટેરિફના દાયરામાંથી બહાર છે.

રિપોર્ટ અનુસાર, ખાદ્ય ચીજવસ્તુઓના કારણે ફુગાવામાં (Inflation) સામાન્ય વધારો જોવા મળ્યો હતો, પરંતુ કોર ઇન્ફ્લેશન (Core Inflation) સ્થિર જળવાઈ રહ્યું છે. ફોરેન ઇન્વેસ્ટમેન્ટ (Foreign Investment)ના પુનરાગમનને કારણે ભારતનું એક્સટર્નલ સેક્ટર (External Sector) પણ મજબૂત સ્થિતિમાં છે.