સ્માર્ટફોનનો ફ્રન્ટ કેમેરા બની શકે છે જાસૂસ! હેકર્સથી પ્રાઇવસી બચાવવા માટે બદલો આ સેટિંગ્સ

Android Privacy Tips | આજના સમયમાં સ્માર્ટફોન (Smartphone) નો ફ્રન્ટ કેમેરા (Front Camera) હેક થવાનો ખતરો ખૂબ વધી ગયો છે. સાયબર ક્રિમિનલ્સ (Cyber Criminals) અને સ્કેમર્સ (Scammers) લોકોના ખાનગી ફોટા કે વીડિયો રેકોર્ડ કરીને બ્લેકમેલ (Blackmail) કરવા માટે કેમેરા હેકિંગનો સહારો લે છે.

જો ફોનમાં કોઈ ખતરનાક મેલવેર (Malware) આવી જાય અથવા યુઝર ભૂલથી કોઈ ફેક એપ (Fake App) ને કેમેરાની પરમિશન (Permission) આપી દે, તો પ્રાઇવસી (Privacy) જોખમાઈ શકે છે.

સામાન્ય રીતે હેકર્સ કોઈ લિંક દ્વારા કે કીલોગર (Keylogger) નો ઉપયોગ કરીને ફોનના કેમેરા પર 24×7 નજર રાખી શકે છે. એન્ડ્રોઇડ (Android 12) કે તેના પછીના વર્ઝનમાં જ્યારે પણ કોઈ એપ કેમેરાનો ઉપયોગ કરે છે, ત્યારે સ્ક્રીન પર ઉપરના ભાગમાં લીલા રંગનો એક ઇન્ડિકેટર (Green Indicator) દેખાય છે. તેના પર ટેપ કરીને જાણી શકાય છે કે કઈ એપ કેમેરાનો ઉપયોગ કરી રહી છે.

જો તમને કોઈ એપ પર શંકા હોય, તો ફોનના સેટિંગ્સ (Settings) માં જઈને એપ્સ (Apps) ઓપ્શન પસંદ કરો. ત્યારબાદ તે એપની પરમિશન (Permissions) માં જઈને કેમેરા એક્સેસને ડોન્ટ એલાઉ (Don’t Allow) કરી દો.

આ સિવાય, એન્ડ્રોઇડ ફોનમાં ક્વિક સેટિંગ્સ (Quick Settings) અથવા પ્રાઇવસી કંટ્રોલ્સ (Privacy Controls) માં આખા ફોનનો કેમેરા એક્સેસ (Camera Access) એકસાથે બંધ કરવાનો વિકલ્પ પણ મળે છે.

જ્યાં સુધી તમે તેને ફરી ચાલુ નહીં કરો, ત્યાં સુધી કોઈ પણ એપ કેમેરાનો ઉપયોગ કરી શકશે નહીં. સુરક્ષા માટે ઘણા યુઝર્સ ફ્રન્ટ કેમેરા પર ટેપ કે શારીરિક કવર (Physical Cover) પણ લગાવે છે.