ગુજરાતમાં જળસંચયની કામગીરી બનશે તેજ: રૂ. 10.83 કરોડની નવીન હેવી મશીનરીનું ફ્લેગ ઓફ

Sujalam Sufalam Jal Abhiyan 2.0 | ગુજરાતના જળ સંપત્તિ મંત્રી ઈશ્વરસિંહ પટેલે આજે ગાંધીનગર ખાતેથી ‘કેચ ધ રેઇન’ (Catch the Rain) અને ‘સુજલામ સુફલામ્ જળ અભિયાન 2.0’ અંતર્ગત રૂ. 10.83 કરોડથી વધુના ખર્ચે ખરીદાયેલી 15 નવીન મશીનરીઓ અને નિરીક્ષણ વાહનોને લીલી ઝંડી આપી પ્રસ્થાન કરાવ્યું હતું.

આ નવીન ટેકનોલોજી અને મશીનરી દ્વારા રાજ્યમાં ડેમ, કેનાલ અને તળાવોની સફાઈ તેમજ મરામતની કામગીરીમાં મોટો ઉછાળો આવશે. વર્ષ 2025-26 માટે જળ સંપત્તિ વિભાગ દ્વારા આધુનિક સાધનોની ખરીદી કરવામાં આવી છે. આ મશીનરી દ્વારા વાર્ષિક અંદાજે 70 લાખ ઘન મીટર (Cubic Meter) થી વધુ માટીકામ કરવામાં આવશે. કેનાલ અને ડેમના પાળા પર ઉગી નીકળતા નડતરરૂપ ઝાડી-ઝાંખરા (Vegetation Removal) દૂર કરવાની કામગીરી હવે વધુ સુલભ બનશે.

કયા સાધનોનો સમાવેશ થાય છે?
જળ સંપત્તિ વિભાગની ક્ષમતા વધારવા માટે નીચે મુજબના હેવી અર્થ મુવિંગ મશીનરી (Heavy Earth Moving Machinery) ખરીદવામાં આવી છે:

બેકહો લોડર (Backhoe Loader): 04 નંગ (રૂ. 103.38 લાખ)

હાઇડ્રોલીક એક્સકેવેટર (Hydraulic Excavator): 07 નંગ (લોન્ગરીચ સહિત)

હાઇડ્રોલીક બુલડોઝર (Hydraulic Bulldozer): 04 નંગ (BD-50 અને BD-65 મોડલ)

તાપી નદીમાં ઝીંગા તળાવનું ડિમોલિશન (Demolition Work)

મંત્રીશ્રીએ માહિતી આપી હતી કે સુરત ખાતે તાપી નદીમાં ઝીંગા તળાવ (Shrimp Ponds) ના મોટા પાયે ડિમોલિશનની કામગીરી ચાલુ છે. 45 સ્ક્વેર કિ.મી.ના વિસ્તારમાંથી 5 સ્ક્વેર કિ.મી. કામગીરી પૂર્ણ થઈ છે, જેમાં આ નવા ડોઝર મશીનો (Dozer Machines) ખૂબ ઉપયોગી સાબિત થશે.

સમગ્ર ગુજરાતમાં ફાળવણી (Zonal Allocation)

આ નવીન મશીનરી માત્ર એક વિસ્તાર પૂરતી મર્યાદિત નહીં રહે, પરંતુ તેને રાજ્યના ચારેય ઝોનમાં વહેંચવામાં આવશે:

સૌરાષ્ટ્ર ઝોન (Saurashtra Zone)

ઉત્તર ગુજરાત (North Gujarat)

મધ્ય ગુજરાત (Central Gujarat)

દક્ષિણ ગુજરાત (South Gujarat)

ગામ તળાવો અને ડેમની સુરક્ષા

આ પ્રોજેક્ટનો મુખ્ય ઉદ્દેશ્ય ગામ તળાવોને ઊંડા કરી જળ સંગ્રહ શક્તિ (Water Storage Capacity) વધારવાનો છે. આ ઉપરાંત, ચોમાસા દરમિયાન પૂરની આકસ્મિક પરિસ્થિતિમાં ડેમ અને કેનાલના ક્ષતિગ્રસ્ત પાળાઓની તાત્કાલિક મરામત (Repairing) માટે આ વાહનો સજ્જ રહેશે.