ભાજપમાં કમુરતા ઉતરતા જ મોટા ફેરફાર: જગદીશ વિશ્વકર્માની નવી ટીમ જાહેર, જાણો કોને મળ્યું સ્થાન અને કોણ આઉટ?

ગાંધીનગર (Gandhinagar): ગુજરાત ભાજપમાં (Gujarat BJP) સંગઠનાત્મક ફેરફારોનો દોર શરૂ થઈ ગયો છે. કમુરતા ઉતરતાની સાથે જ પ્રદેશ પ્રમુખ જગદીશ વિશ્વકર્માએ (Jagdish Vishwakarma) નવી પ્રદેશ કારોબારી (Pradesh Executive) ટીમની જાહેરાત કરી છે. આ નવી ટીમમાં જૂના જોગીઓ અને નવા ચહેરાઓનું સંતુલન જાળવવાનો પ્રયાસ કરવામાં આવ્યો છે, જેમાં કેટલાક દિગ્ગજોની વાપસી થઈ છે તો 39 જેટલા નેતાઓના પત્તા કપાયા છે.

દિગ્ગજોની વાપસી: વજુભાઈ વાળા અને નીતિન પટેલને મળ્યું સ્થાન

નવી કારોબારીમાં સૌથી ચોંકાવનારું નામ પૂર્વ ગવર્નર વજુભાઈ વાળા (Vajubhai Vala) નું છે, જેઓ એક દાયકા બાદ ફરી સક્રિય રાજકારણમાં દેખાશે. આ ઉપરાંત ટીમમાં નીચે મુજબના દિગ્ગજોનો સમાવેશ કરાયો છે:

• પૂર્વ મંત્રીઓ: (Nitin Patel) નીતિન પટેલ, ભૂપેન્દ્રસિંહ ચુડાસમા, આર.સી. ફળદુ અને પ્રદીપસિંહ જાડેજા.

• સાંસદો: પરસોત્તમ રૂપાલા અને નરહરી અમિન.

• મહિલા નેતૃત્વ: દર્શનાબેન જરદોશ, ભાનુબેન બાબરીયા અને બિજલબેન પટેલ સહિત 19 મહિલાઓને સ્થાન મળ્યું છે.

• યુવા ચહેરા: અમદાવાદથી ડૉ. ઋત્વિજ પટેલ અને ગૌતમ શાહની એન્ટ્રી થઈ છે.

જગદીશ વિશ્વકર્મા માટે ‘લિટમસ ટેસ્ટ’ (Litmus Test)

નવી ટીમની જાહેરાત સાથે જ જગદીશ વિશ્વકર્મા માટે પડકારો શરૂ થઈ ગયા છે. વર્ષ 2027 ની વિધાનસભા ચૂંટણી (Assembly Election) અને તે પહેલા આવનારી સ્થાનિક સ્વરાજ્યની ચૂંટણીઓ આ ટીમ માટે ખરો કસોટીનો સમય છે.

• નવા પડકારો: જૂના નેતાઓની બાદબાકી બાદ ઉભા થતા અસંતોષને ખાળવો અને સંગઠનને (Organization) મજબૂત બનાવવું.

• રણનીતિ: નવી ટીમ દ્વારા સંગઠનને ચુસ્ત બનાવી આગામી ચૂંટણીઓમાં વિજય મેળવવાની રણનીતિ પર ફોકસ કરવામાં આવ્યું છે.