National

Aadhaar ધારકો માટે મોટા સમાચાર, 1 જુલાઈથી આ સુવિધા મળશે તદ્દન મફત

Free Aadhaar Email Update | આજના ડિજિટલ યુગમાં આધાર કાર્ડ દરેક નાગરિક માટે અનિવાર્ય અને સૌથી મહત્વપૂર્ણ દસ્તાવેજ બની ગયું છે. તમામ સરકારી યોજનાઓથી લઈને બેંકિંગ અને ખાનગી કામો માટે આધાર કાર્ડનો ઉપયોગ ફરજિયાત છે, જેના કારણે તેને હંમેશા અપડેટ રાખવું ખૂબ જ જરૂરી છે.

આ બાબતને ધ્યાનમાં રાખીને યુનિક આઇડેન્ટિફિકેશન ઑથોરિટી ઑફ ઇન્ડિયા (UIDAI) દ્વારા આધાર ધારકો માટે એક ખુશખબર આપવામાં આવ્યા છે. UIDAIની નવી જાહેરાત અનુસાર, આગામી 1 જુલાઈ 2026 થી 31 ડિસેમ્બર 2026 સુધી આધાર કાર્ડમાં ઈમેઇલ આઇડી (Email ID) અપડેટ કરવાની સુવિધા તદ્દન મફત આપવામાં આવશે.

સામાન્ય રીતે આ સુવિધા માટે ગ્રાહકોએ GST સાથે 75 રૂપિયાનો ચાર્જ ચૂકવવો પડતો હોય છે, જે આગામી 6 મહિના માટે માફ રહેશે.

UIDAIના નિયમો મુજબ, જો તમે આ મફત સેવાનો લાભ લેવા માંગતા હોવ તો તમારે ‘આધાર મોબાઇલ એપ’ (Aadhaar Mobile App) નો ઉપયોગ કરવો પડશે.

જો તમે આ એપ્લિકેશન દ્વારા તમારું ઈમેઇલ આઇડી અપડેટ અથવા ચેન્જ કરશો, તો તમારી પાસેથી કોઈ પણ પ્રકારની ફી વસૂલવામાં નહીં આવે. પરંતુ ખાસ ધ્યાનમાં રાખવું કે આ ફ્રી ઓફર માત્ર ઓફિશિયલ મોબાઇલ એપ પર જ ઉપલબ્ધ છે.

જો તમે અન્ય કોઈ માધ્યમ, ઓનલાઈન પોર્ટલ અથવા આધાર કેન્દ્ર પર જઈને આ પ્રક્રિયા કરાવશો, તો નિયત કરવામાં આવેલો 75 રૂપિયાનો ચાર્જ ચૂકવવો પડશે.

આધાર સાથે ઈમેઇલ આઇડી લિંક હોવાના ફાયદા

આધાર કાર્ડ સાથે ઈમેઇલ આઇડી લિંક રાખવાથી સુરક્ષા અને સુવિધા બંનેમાં મોટો ફાયદો થાય છે:

  • તત્કાલ નોટિફિકેશન: આધાર સંબંધિત તમામ મહત્ત્વપૂર્ણ સૂચનાઓ અને ઓનલાઇન અપડેટ્સ સીધા તમારા ઈમેઇલ પર મળતા રહે છે.
  • સુરક્ષા અને એલર્ટ: જો કોઈ વ્યક્તિ તમારા આધારનો ખોટો ઉપયોગ કરવાનો પ્રયાસ કરે કે કોઈ શંકાસ્પદ પ્રવૃત્તિ થાય, તો તેની ચેતવણી (Alert) તત્કાલ ઈમેઇલ પર આવી જાય છે.
  • ડેટા રિકવરી: ઈમેઇલ લિંક હોવાને કારણે ભવિષ્યમાં જો તમારો આધાર નંબર કે એનરોલમેન્ટ આઇડી ખોવાઈ જાય, તો તેને ઓનલાઇન ફરીથી સરળતાથી મેળવી શકાય છે.

તમારો ઈમેઇલ આધાર સાથે લિંક છે કે નહીં? આ રીતે કરો વેરિફાય

  • સૌથી પહેલા UIDAIની સત્તાવાર વેબસાઇટ પર જઈને ‘My Aadhaar’ ટેબ પર ક્લિક કરો.
  • ત્યાં આપેલા વિવિધ વિકલ્પોમાંથી ‘Verify Email/Mobile Number’ પસંદ કરો.
  • ત્યારબાદ ‘Verify Email Address’ પર ક્લિક કરી, તમારો આધાર નંબર, ઈમેઇલ આઇડી અને સ્ક્રીન પર દેખાતો કેપ્ચા કોડ દાખલ કરીને ‘Submit’ કરો.
  • હવે તમારા રજિસ્ટર્ડ ઈમેઇલ પર એક ઓટીપી (OTP) આવશે, તેને નિર્ધારિત ખાનામાં ભરીને ફરી સબમિટ કરો.
  • આ પ્રક્રિયા પૂર્ણ થતાં જ સ્ક્રીન પર ‘Aadhaar Authentication Successful’ નો મેસેજ આવી જશે, જે દર્શાવે છે કે તમારો ઈમેઇલ સફળતાપૂર્વક વેરિફાય થઈ ગયો છે.
Chief Editor

Recent Posts

ટેક્સાસ…ફ્રિસ્કોમાં નવા જૈન સેન્ટરનું ભૂમિપૂજન ફ્રિસ્કો

ફ્રિસ્કોમાં નવા જૈન સેન્ટરનું ભૂમિપૂજન ફ્રિસ્કો, ટેક્સાસ: જૈન સોસાયટી ઓફ નોર્થ ટેક્સાસ (JSNT) 14 નવેમ્બર,…

4 hours ago

ગુજરાત અને આસામ વચ્ચે આર્થિક સહયોગને મળશે નવી ગતિ

 વાઇબ્રન્ટ ગુજરાત ગ્લોબલ સમિટ-2027માં ઉપસ્થિત રહેવા આસામના મુખ્યમંત્રી શ્રી હિમંતા બિસ્વા સરમાને આમંત્રણ પાઠવાયું ગાંધીનગર,…

14 hours ago

લોસએંજલસમાં આેટલાનું નૂતનવર્ષ દિવાળી સ્નેહમિલન

લોસએંજલસમાં આેટલનું નૂતનવર્ષ દિવાળી સ્નેહમિલન આેટલો નૂતનવર્ષ દિવાળી સ્નેહમિલન Report "ઓટલો દે છે આવકારો ને…

3 days ago

शिकागो में बावीस गांव पाटीदार समाज ने धूमधाम से मनाई दिवाली और नववर्ष

Chicago Patidar Samaj | शिकागो में बावीस गांव पाटीदार समाज की ओर से दिवाली और…

3 days ago

શિકાગોમાં બાવીસ ગામ પાટીદાર સમાજ દ્વારા દિવાળી અને નૂતન વર્ષની ભવ્ય ઉજવણી

Chicago Patidar Samaj | શિકાગો ખાતે બાવીસ ગામ પાટીદાર સમાજ દ્વારા દિવાળી અને નૂતન વર્ષની…

3 days ago

સુરતી લેઉવા પાટીદાર સિનિયર ગ્રુપની દિવાળી રમઝટ

સુરતી લેઉવા પાટીદાર સિનિયર ગ્રુપની દિવાળી ઉજવણીમાં સંગીત, ગરબા અને સુરતી ભોજનની રમઝટ  સુરતી લેઉવા…

3 days ago