Elon Musk Ro Khanna | અમેરિકાના (America) અબજોપતિ ઉદ્યોગપતિ એલોન મસ્ક (Elon Musk) અને ભારતીય મૂળના ડેમોક્રેટિક સાંસદ રો ખન્ના (Ro Khanna) સામસામે આવી ગયા છે.
એલોન મસ્કે સોશિયલ મીડિયા પર રો ખન્ના વિરુદ્ધ કાનૂની કાર્યવાહી કરવાની અને જેલ ભેગા કરવાની ધમકી આપી હતી, જેના પર હવે સાંસદે જોરદાર વળતો પ્રહાર કર્યો છે. એક વીડિયો (Video) જાહેર કરીને રો ખન્નાએ મસ્ક પર જાહેરમાં ચર્ચા કરવાને બદલે તેમનો અવાજ દબાવવાનો પ્રયાસ કરવાનો આરોપ લગાવ્યો છે.
શું છે સમગ્ર વિવાદ?
આ વિવાદની શરૂઆત ત્યારે થઈ જ્યારે રો ખન્નાએ એક પોડકાસ્ટ (Podcast) દરમિયાન ટ્રમ્પ વહીવટીતંત્રના ‘ડિપાર્ટમેન્ટ ઓફ ગવર્નમેન્ટ એફિશિયન્સી’ (DOGE) માં એલોન મસ્કની ભૂમિકાની આકરી ટીકા કરી હતી. એક શૈક્ષણિક અભ્યાસનો હવાલો આપીને ખન્નાએ દાવો કર્યો હતો કે વિદેશી સહાયમાં મસ્ક દ્વારા કરવામાં આવેલા કાપને કારણે વિદેશોમાં માનવતાવાદી સંકટ સર્જાઈ શકે છે અને લોકોના મોત થઈ શકે છે. તેમણે કહ્યું કે, “મસ્કે આના માટે જવાબ આપવો પડશે. જો ડેમોક્રેટ્સ (Democrats) ફરી સત્તામાં આવશે, તો DOGE ના નિર્ણયોની ઔપચારિક તપાસ કરવામાં આવશે.”
મસ્કે આપી જેલની ધમકી
રો ખન્નાના આ નિવેદનથી ગુસ્સે ભરાયેલા ટેસ્લા (Tesla) અને સ્પેસએક્સના (SpaceX) સીઇઓ (CEO) એલોન મસ્કે એક્સ (X) પર ખન્નાને જૂઠા ગણાવ્યા હતા. મસ્કે દાવો કર્યો કે DOGE નો હેતુ સરકારી ખર્ચમાં થતો બગાડ, છેતરપિંડી અને દુરુપયોગ રોકવાનો છે. આ સાથે જ તેમણે ન્યાય વિભાગને (Justice Department) રો ખન્ના સામે કાનૂની કેસ કરીને જેલમાં મોકલવાની માંગ પણ કરી હતી.
.@elonmusk let’s debate. You game?
I am for free speech, not lawfare. pic.twitter.com/gThLggxiOW
— Ro Khanna (@RoKhanna) June 22, 2026
‘હું ડરવાનો નથી, મારી સાથે ડિબેટ કરો’ – રો ખન્ના
મસ્કના આ હુમલા બાદ રો ખન્નાએ સોશિયલ મીડિયા પર એક વીડિયો શેર કરીને કહ્યું, “વિશ્વના સૌથી ધનિક વ્યક્તિએ આખો દિવસ ટ્વિટ (Tweet) કરીને મારા પર નિશાન સાધ્યું છે. એલોન, હું વિચારતો હતો કે તમે ફ્રી સ્પીચના (Free Speech) સમર્થક છો. તો પછી કાનૂની ધમકીઓ આપવાને બદલે મારી સાથે આ મુદ્દાઓ પર જાહેરમાં ડિબેટ (Debate) કેમ નથી કરતા?”
તેમણે ઉમેર્યું કે તેઓ અબજોપતિઓની આવી ધમકીઓથી ડરવાના કે ચૂપ રહેવાના નથી. તેમણે સિલિકોન વેલીના (Silicon Valley) અમીરો સામે વેલ્થ ટેક્સ (Wealth Tax) અને જેફરી એપ્સ્ટિન (Jeffrey Epstein) કેસની ફાઇલો જાહેર કરવા જેવા મુદ્દાઓ પર હંમેશા અવાજ ઉઠાવ્યો છે અને ભવિષ્યમાં પણ સત્ય માટે લડતા રહેશે.
ફ્રિસ્કોમાં નવા જૈન સેન્ટરનું ભૂમિપૂજન ફ્રિસ્કો, ટેક્સાસ: જૈન સોસાયટી ઓફ નોર્થ ટેક્સાસ (JSNT) 14 નવેમ્બર,…
વાઇબ્રન્ટ ગુજરાત ગ્લોબલ સમિટ-2027માં ઉપસ્થિત રહેવા આસામના મુખ્યમંત્રી શ્રી હિમંતા બિસ્વા સરમાને આમંત્રણ પાઠવાયું ગાંધીનગર,…
લોસએંજલસમાં આેટલનું નૂતનવર્ષ દિવાળી સ્નેહમિલન આેટલો નૂતનવર્ષ દિવાળી સ્નેહમિલન Report "ઓટલો દે છે આવકારો ને…
Chicago Patidar Samaj | शिकागो में बावीस गांव पाटीदार समाज की ओर से दिवाली और…
Chicago Patidar Samaj | શિકાગો ખાતે બાવીસ ગામ પાટીદાર સમાજ દ્વારા દિવાળી અને નૂતન વર્ષની…
સુરતી લેઉવા પાટીદાર સિનિયર ગ્રુપની દિવાળી ઉજવણીમાં સંગીત, ગરબા અને સુરતી ભોજનની રમઝટ સુરતી લેઉવા…