અમદાવાદમાં ઉઘરાણી માટે ફિલ્મી ઢબે અપહરણ: ‘કિડની વેચીને પણ પૈસા આપવા પડશે’ કહી યુવકને માર માર્યો

અમદાવાદમાં રેતી-કપચીના વ્યવસાય (Sand-Grit Business) સાથે જોડાયેલા દલાલો દ્વારા ઉઘરાણી માટે એક યુવાનનું અપહરણ કરવાની ચોંકાવનારી ઘટના સામે આવી છે. લેણી રકમ વસૂલવા માટે દલાલોએ વડોદરા (Vadodara) ના વાઘોડિયાથી હરેશ મનુભાઈ પટેલ નામના યુવકનું કારમાં અપહરણ (Kidnapping) કરી તેને લીંમડી ખાતે ગોંધી રાખ્યો હતો.

શું છે સમગ્ર મામલો? મૂળ ધંધુકાના અને હાલ વાઘોડિયામાં કેશિયર તરીકે નોકરી કરતા ફરિયાદી હરેશભાઈ અગાઉ અમદાવાદમાં રેતી-કપચીના કમિશનનો ધંધો કરતા હતા. તેમણે દલાલ ચંદુભાઈ અને જગદીશભાઈ પાસેથી માલ મંગાવ્યો હતો, કપચીનું કુલ બિલ 16 લાખ રૂપિયા થયું હતું, જેમાંથી તેણે 11 લાખ રૂપિયા ચૂકવી દીધા હતા અને 5 લાખ રૂપિયા બાકી હતા. રેતીનું બિલ 5.33 લાખ રૂપિયા હતું, જેમાંથી 3.53 લાખ રૂપિયા ચૂકવવાના બાકી હતા. બિલ્ડરો (Builders) પાસેથી પેમેન્ટ આવવામાં વિલંબ થતા તેઓ સમયસર નાણાં ચૂકવી શક્યા નહોતા, જેના કારણે દલાલોએ ધમકીઓ આપવાનું શરૂ કર્યું હતું.

‘કિડની વેચીને પણ પૈસા આપવા પડશે’ રવિવારે બે કારમાં આવેલા શખસોએ હરેશભાઈનું અપહરણ કર્યું અને તેમને લીંબડી (Limbdi) ખાતે પ્રવિણસિંહની ઓફિસમાં લઈ ગયા હતા. ત્યાં તેમને માનસિક અને શારીરિક ત્રાસ આપી ધમકી આપવામાં આવી હતી કે, “તારે કિડની વેચીને પણ પૈસા આપવા પડશે.”

પોલીસ કાર્યવાહી (Police Action) વાઘોડિયા પોલીસે તાત્કાલિક એક્શન લઈ યુવાનને મુક્ત કરાવ્યો છે. આ મામલે પોલીસે જગદીશ સુરતાજી વણઝારા (બોપલ, અમદાવાદ), ચંદુ શામજીભાઈ બાવળીયા (સાણંદ, અમદાવાદ), મોહમદ શાહીદ ઈકબાલ હલીમભાઈ અંસારી (ફતેહવાડી, અમદાવાદ), અજય ધીરુભાઈ કબીરા (નારોલ, અમદાવાદ), મેહુલ ગોવિંદભાઈ પરમાર (લીંબડી, સુરેન્દ્રનગર)ની ધરપકડ કરી છે.