Air Indiaએ US અને કેનેડાના મુસાફરો માટે લોન્ચ કરી ‘Great Escape Sale’, ફ્લાઇટ માત્ર રૂ. 29 હજારથી શરૂ

Air India | અમેરિકા અને કેનેડામાં રહેતા પ્રવાસીઓ માટે મુસાફરી કરવાના શોખીનો માટે એક ખૂબ જ મોટા રાહતના સમાચાર સામે આવ્યા છે.

અગ્રણી આંતરરાષ્ટ્રીય એરલાઇન એર ઇન્ડિયા (Air India) દ્વારા પ્રવાસીઓ માટે ખાસ ‘Great Escape Sale’ ની જાહેરાત કરવામાં આવી છે.

આ વિશેષ સેલ હેઠળ યુનાઇટેડ સ્ટેટ્સ અને કેનેડાથી ગલ્ફ, સાઉથ એશિયા, સાઉથઈસ્ટ એશિયા અને ફાર ઈસ્ટ તરફ જતી આંતરરાષ્ટ્રીય ફ્લાઇટ્સના ભાડામાં ભારે છૂટ આપવામાં આવી રહી છે.

એરલાઇન દ્વારા જાહેર કરવામાં આવેલી માહિતી મુજબ, આ મર્યાદિત સમયગાળાની ઓફરનો લાભ પ્રવાસીઓ 3 October 2026 સુધી લઈ શકશે, જ્યારે આ ટિકિટો પર 31 March 2027 સુધી મુસાફરી કરી શકાશે.

આ પ્રમોશનલ સેલ અંતર્ગત અમેરિકાથી શરૂ થતી વન-વે ઇકોનોમી ક્લાસની ફ્લાઇટ્સનું ભાડું માત્ર $350 થી શરૂ થાય છે, જ્યારે રાઉન્ડ-ટ્રીપ એટલે કે રિટર્ન ટિકિટો માત્ર $650 થી શરૂ થાય છે.

આ ઉપરાંત કેનેડાથી મુસાફરી શરૂ કરતા પ્રવાસીઓ માટે વન-વે ટિકિટો CAD 449થી અને રાઉન્ડ-ટ્રીપ ટિકિટો CAD 899 થી ઉપલબ્ધ કરાવવામાં આવી છે.

આ વિશેષ ભાડામાં તમામ કર (taxes) સામેલ છે અને તે એર ઇન્ડિયા તથા એર ઇન્ડિયા એક્સપ્રેસ દ્વારા ઓપરેટ થતી પસંદગીની આંતરરાષ્ટ્રીય રૂટની ફ્લાઇટ્સ પર જ લાગુ પડશે.

પ્રવાસીઓ એર ઇન્ડિયાની સત્તાવાર વેબસાઇટ અથવા મોબાઈલ એપ દ્વારા સીધી બુકિંગ કરીને કન્વીનિયન્સ ફી પર વધારાની છૂટ પણ મેળવી શકે છે.

આ સેલ હેઠળ બેઠકોની ઉપલબ્ધતા મર્યાદિત છે, તેથી મુસાફરોએ વહેલા તે પહેલાના ધોરણે ટિકિટ બુક કરાવવાની રહેશે. એર ઇન્ડિયાના આ પગલાથી ઉત્તર અમેરિકામાં વસતા લાખો પ્રવાસીઓને ભારત અને અન્ય એશિયન દેશોમાં પ્રવાસ કરવાનું ખૂબ જ કિફાયતી બનશે.