PM Modi Italy Visit | વડાપ્રધાન નરેન્દ્ર મોદી પોતાના પાંચ દેશોના પ્રવાસના અંતિમ તબક્કામાં ઈટાલી પહોંચ્યા છે, જ્યાં બંને દેશોના નેતાઓ વચ્ચેની રસપ્રદ કેમિસ્ટ્રી ફરી એકવાર ચર્ચામાં આવી છે. પીએમ મોદીએ ઈટાલીના વડાપ્રધાન જ્યોર્જિયા મેલોનીને ખાસ ‘મેલોડી’ (Melody) ટોફી ગિફ્ટમાં આપી હતી.
પીએમ મેલોનીએ સોશિયલ મીડિયા (Social media) પ્લેટફોર્મ એક્સ પર આ વીડિયો પોસ્ટ કરીને મોદીનો આભાર માન્યો હતો. આ મુલાકાત દરમિયાન બંને નેતાઓએ રોમના રસ્તાઓ પર એક જ કારમાં સવારી (Car ride) કરી હતી અને 2000 વર્ષ જૂના ઐતિહાસિક કોલોસિયમની (Colosseum) મુલાકાત લઈને સેલ્ફી પણ લીધી હતી. અગાઉ બંને નેતાઓએ સાથે ડિનર લીધું હતું.
આ પ્રવાસ દરમિયાન ભારત અને ઈટાલી પોતાના દ્વિપક્ષીય સંબંધોને ‘સ્પેશિયલ સ્ટ્રેટેજિક પાર્ટનરશીપ’ (Special Strategic Partnership) નો દરજ્જો આપવા અંગે ચર્ચા કરી શકે છે. હાલમાં બંને દેશો વચ્ચેનો વેપાર 14 અબજ યુરોથી વધુનો છે.
પીએમ મોદી ઈટાલીના મોટા ઉદ્યોગપતિઓ (Business leaders) સાથે બેઠક કરીને ભારતમાં રોકાણ અને મેન્યુફેક્ચરિંગ વધારવા પર ચર્ચા કરશે. આ ઉપરાંત, બંને નેતાઓ વચ્ચે મિડલ-ઈસ્ટ તણાવ, રશિયા-યુક્રેન યુદ્ધ અને ગ્લોબલ સપ્લાય ચેઇન (Global supply chain) જેવા મહત્વના વૈશ્વિક મુદ્દાઓ પર વાતચીત થવાની સંભાવના છે.
પીએમ મોદી છેલ્લે જૂન 2024 માં G-7 શિખર સંમેલનમાં ભાગ લેવા ઈટાલી ગયા હતા. આ વખતે 15 મે થી શરૂ થયેલા વિદેશ પ્રવાસમાં તેઓ UAE, નેધરલેન્ડ, સ્વીડન અને નોર્વેની મુલાકાત લીધા બાદ ઈટાલી પહોંચ્યા છે, જે આ યાત્રાનો છેલ્લો પડાવ છે.