Jain Resource Recycling | વેસ્ટ એશિયા (West Asia) સંકટના કારણે શેરબજારના ઘણા શેરોમાં ભારે કડાકો જોવા મળ્યો છે, જેમાંથી એક જૈન રિસોર્સ રિસાયકલિંગ લિમિટેડ (Jain Resource Recycling Limited) છે.
નાણાં વર્ષ 2026 ની ચોથી ક્વાર્ટર (Q4) ના નબળા પરિણામો જાહેર થતાં જ કંપનીના શેર માત્ર 2 ટ્રેડિંગ સેશનમાં 33.23% થી વધુ ગગડી ગયા છે. મંગળવારના ટ્રેડિંગ દરમિયાન શેર 18.51% તૂટીને 378 રૂપિયાના નીચલા સ્તરે પહોંચ્યો હતો.
મોતીલાલ ઓસવાલ ફાઇનાન્સિયલ સર્વિસીસ લિમિટેડ (MOFSL) ના જણાવ્યા અનુસાર, તાંબાની કિંમતોમાં અસ્થિરતા અને વેસ્ટ એશિયા સંકટના કારણે લોજિસ્ટિક્સ ખર્ચ (Logistics Cost) વધ્યો છે, જેનાથી કંપનીના માર્જિન (Margin) પર માઠી અસર પડી છે. જો કે, વાર્ષિક ધોરણે કંપનીની રેવેન્યુ (Revenue) 76% વધીને 3170 કરોડ રૂપિયા પર પહોંચી છે અને EBITDA માં પણ 18% નો ગ્રોથ (Growth) નોંધાયો છે.
ભારે ઘટાડા છતાં બ્રોકરેજ ફર્મે શેર પર પોતાની ‘બાય’ (BUY) રેટિંગ જાળવી રાખી છે. ફર્મે આગામી સમય માટે 560 રૂપિયાનો ટાર્ગેટ પ્રાઇઝ (Target Price) આપ્યો છે. 15 મે ના રોજ આ શેર 564 રૂપિયા પર ટ્રેડ થઈ રહ્યો હતો, જે હવે ઘટીને 382.20 રૂપિયા પર આવી ગયો છે.