ગાંધીનગરમાં નબીરાઓ બેફામ કાર ચલાવતા પિલર સાથે અથડાઈ, એરબેગ્સના કારણે બે યુવકના જીવ બચ્યા

Gandhinagar Car Accident | ગાંધીનગરના (Gandhinagar) PDPU રોડ પર ગત સાંજે બેફામ ડ્રાઇવિંગના (Driving) કારણે એક ભયાનક અકસ્માત (Accident) સર્જાયો હતો.

અમદાવાદના (Ahmedabad) નરોડા વિસ્તારમાં રહેતા બે મિત્રો, હર્ષ ગોલાણી અને પ્રિયમ ભાટિયા, પૂરપાટ ઝડપે કાર (Car) લઈને ફરવા નીકળ્યા હતા. રાત્રિના સમયે ટ્રાફિક ઓછો હોવાથી આ યુવાનોએ કારની ગતિ 100 કિમી પ્રતિ કલાકથી વધુ રાખી હતી.

ઝડપ વધુ હોવાના કારણે હર્ષે સ્ટીયરિંગ (Steering) પરથી કાબૂ ગુમાવ્યો હતો. કાર રોડ સાઇડની સુરક્ષા રેલિંગ (Railing) તોડીને સીધી પિલર (Pillar) સાથે ધડાકાભેર અથડાઈ હતી.

ટક્કર એટલી જોરદાર હતી કે કારના બોનેટનો (Bonnet) કચ્ચરઘાણ નીકળી ગયો હતો. જોકે, કારની એરબેગ્સ (Airbags) સમયસર ખુલી જતાં બંને યુવાનોનો ચમત્કારિક બચાવ થયો હતો. તપાસમાં જાણવા મળ્યું છે કે હર્ષ પિતાને કહ્યા વગર કાર લઈને નીકળ્યો હતો. અકસ્માતને પગલે રસ્તા પર ટ્રાફિક જામના (Traffic Jam) દ્રશ્યો સર્જાયા હતા.