Hatkeshwar Bridge AMC News | અમદાવાદના સી.ટી.એમ. જંકશન (CTM Junction) પર નિર્મિત હાટકેશ્વર બ્રિજ (Hatkeshwar Bridge) બનાવવા અને હવે તેને તોડવા માટેનો કુલ 38 કરોડથી વધુનો ખર્ચ અંતે અમદાવાદ મ્યુનિસિપલ કોર્પોરેશન (AMC) એ જ ભોગવવો પડ્યો છે.
અગાઉ સત્તાધીશો દ્વારા એવા દાવા કરવામાં આવ્યા હતા કે તમામ ખર્ચ જવાબદાર કોન્ટ્રાક્ટર અજય ઈન્ફ્રા (Ajay Infra) પાસેથી વસૂલ કરવામાં આવશે અને કોર્પોરેશનની તિજોરી પર કોઈ ભારણ નહીં પડે. જોકે, હાલની પરિસ્થિતિ જોતા આ દાવા પોકળ સાબિત થયા છે.
ભ્રષ્ટાચારના પર્યાય સમાન આ બ્રિજને તોડવા માટે શ્રી ગણેશ કોર્પોરેશનને 3.90 કરોડનો કોન્ટ્રાક્ટ (Contract) આપવામાં આવ્યો હતો. આઘાતજનક બાબત એ છે કે, વર્ષ 2015 માં જ્યારે આ બ્રિજ બનાવવાનો વર્ક ઓર્ડર (Work Order) અજય ઈન્ફ્રાને અપાયો, ત્યારે તે અંદાજિત કિંમત કરતા 9.17 ટકા ઓછા ભાવે આપવામાં આવ્યો હતો.
સામાન્ય રીતે રોડના કામો ઓછા ભાવે રખાય તે સમજી શકાય, પરંતુ બ્રિજ જેવી મહત્વની સંરચનામાં ગુણવત્તા સાથે સમાધાન કરીને ઓછા ભાવે કામ કેમ અપાયું તે મોટો પ્રશ્ન છે.
| નામ | ટેન્ડર અંદાજ (કરોડ) |
ખર્ચ
(કરોડ) |
કેટલા ટકા વધ-ઘટ |
કોન્ટ્રાકટર |
| હાટકેશ્વર | 44.02 | 34.50 | 9.17(-) | અજય એન્જી ઈન્ફ્રા |
| દિનેશ ચેમ્બર | 45.41 | 41.34 | 11.42(-) | અજય એન્જી ઈન્ફ્રા |
માહિતી મુજબ, આ કામગીરી સમયે પ્રવિણ પટેલ સ્ટેન્ડિંગ કમિટી ચેરમેન (Standing Committee Chairman) અને ડી. થારા મ્યુનિસિપલ કમિશનર (Municipal Commissioner) હતા.
હાલમાં કોર્પોરેશન આ ખર્ચ વસૂલવા માટે કોર્ટ (Court) માં દાવો રજૂ કરવાની તૈયારી કરી રહ્યું છે, પરંતુ અત્યારે તો બ્રિજ બનાવવા અને તોડવાનો આર્થિક બોજ જનતાના ટેક્સના પૈસા પર જ પડ્યો છે. દિનેશ ચેમ્બર બ્રિજનું કામ પણ આ જ રીતે ઓછા ભાવે અજય ઈન્ફ્રાને સોંપવામાં આવ્યું હતું.
વિદેશમાં વસતા NRI ભાઈઓ-બહેનો માટે ખાસ આમંત્રણ
તમારા પરિવાર, સમાજ અને સંસ્કૃતિ સાથે જોડાયેલા ખાસ પ્રસંગોને Sacharachar.com મારફતે વિશ્વભરના ગુજરાતી સમાજ સુધી પહોંચાડો.
પારિવારિક પ્રસંગો
લગ્ન, સગાઈ, જન્મદિવસ અને અન્ય ખાસ પ્રસંગો.
સામાજિક અને ધાર્મિક
નવરાત્રી, દિવાળી, ધાર્મિક અને સાંસ્કૃતિક કાર્યક્રમો.
કોમ્યુનિટી સિદ્ધિઓ
શિક્ષણ, રમતગમત, બિઝનેસ અને સામાજિક સિદ્ધિઓ.
તમારે શું મોકલવાનું?
પ્રસંગની ટૂંકી માહિતી અને 2–5 ફોટા મોકલો.