Gujarat Corporation Results | ગુજરાતની 15 મહાનગરપાલિકા (Municipal Corporations) ની 1001 બેઠકો પર મતગણતરી (Counting) શરૂ થઈ ચૂકી છે. અમદાવાદ (Ahmedabad) ના મતગણતરી કેન્દ્ર પર પોલીસ અને ભાજપ (BJP) કાર્યકર્તાઓ વચ્ચે ઝપાઝપીના સમાચાર સામે આવ્યા છે.
પરિણામોના પ્રારંભિક વલણોમાં જામનગર (Jamnagar) માં ભાજપના 3 મુસ્લિમ ઉમેદવારોએ જીત મેળવી ઈતિહાસ રચ્યો છે, જ્યારે સુરત (Surat) માં આમ આદમી પાર્ટી (AAP) ના ફાયરબ્રાન્ડ નેતા પાયલ સાકરિયા અને પ્રદેશ મહામંત્રી મનોજ સોરઠિયાની હાર થઈ છે.
રાજકોટ (Rajkot) માં કોંગ્રેસ (Congress) ના જાણીતા ઉમેદવાર RJ આભા પણ પરાજિત થયા છે. રાજ્યની જૂની 6 અને નવી બનેલી 9 મહાનગરપાલિકામાં ભાજપનો 20 થી 30 વર્ષ જૂનો ગઢ અકબંધ રહે છે કે વિપક્ષ ગાબડું પાડશે તે બપોરે 2 વાગ્યા સુધીમાં સ્પષ્ટ થઈ જશે.
નોંધનીય છે કે 15 મનપાની 43 બેઠકો પર ભાજપના ઉમેદવારો પહેલાથી જ બિનહરીફ (Unopposed) જાહેર થયા છે. આ ચૂંટણીમાં સરેરાશ 55% મતદાન (Voting) નોંધાયું હતું, જેમાં વાપી (Vapi)માં સૌથી વધુ 72.29% અને ગાંધીધામ (Gandhidham) માં સૌથી ઓછું 46.03% મતદાન થયું છે. 27% OBC અનામત સાથે યોજાયેલી આ પ્રથમ મોટી ચૂંટણીના પરિણામો પર સમગ્ર રાજ્યની નજર છે.
