ગુજરાત નગરપાલિકા ચૂંટણી 2026 (Nagarpalika Election 2026) ના પરિણામોમાં ભારતીય જનતા પાર્ટી (BJP) નો ભવ્ય વિજય થયો છે. ગોંડલ (Gondal) નગરપાલિકામાં ભાજપે ઐતિહાસિક પ્રદર્શન કરતા તમામ 44 બેઠકો જીતીને વિરોધ પક્ષના સૂપડા સાફ કરી દીધા છે.
‘ગઢ ગોંડલ’ માં વિપક્ષી આક્ષેપોને નકારી જનતાએ ફરી જયરાજસિંહના નેતૃત્વમાં વિશ્વાસ મૂક્યો છે. આવી જ રીતે દક્ષિણ ગુજરાતની ગણદેવી (Gandevi) નગરપાલિકામાં પણ ભાજપે તમામ 24 બેઠકો પર કબ્જો મેળવી ‘ક્લિન સ્વિપ’ (Clean Sweep) કરી છે, જેમાં 22 બેઠકો તો બિનહરીફ (Unopposed) હતી.
અમદાવાદ (Ahmedabad) જિલ્લાની મહત્વની ગણાતી વિરમગામ (Viramgam) નગરપાલિકામાં ભાજપે 36 માંથી 19 બેઠકો મેળવી બહુમતી (Majority) હાંસલ કરી છે. વિરમગામમાં 13 ઉમેદવારો અગાઉ જ બિનહરીફ જાહેર થયા હતા.
બીજી તરફ, ધોળકા (Dholka) નગરપાલિકામાં પણ ભાજપનો કેસરીયો લહેરાયો છે. ધોળકાની 36 બેઠકોમાંથી ભાજપે 21 બેઠકો પર વિજય મેળવી સ્પષ્ટ બહુમતી પ્રાપ્ત કરી લીધી છે. આ પરિણામોએ ફરી એકવાર સાબિત કર્યું છે કે શહેરી અને અર્ધ-શહેરી વિસ્તારોમાં ભાજપની પકડ મજબૂત છે.
