અમદાવાદના જુહાપુરામાં ઇન્સ્ટાગ્રામ પર સ્ટોરી બાબતે 19 વર્ષના યુવકની છરીના ઘા ઝીંકી હત્યા

Ahmedabad Youth Murder | અમદાવાદ (Ahmedabad) શહેરમાં કાયદો અને વ્યવસ્થાની સ્થિતિ વણસી રહી હોય તેમ લાગી રહ્યું છે. શહેરમાં 24 કલાકમાં જ હત્યાનો બીજો બનાવ સામે આવ્યો છે. જુહાપુરા (Juhapura) વિસ્તારમાં આયશા મસ્જિદ પાસે માત્ર ઇન્સ્ટાગ્રામ સ્ટોરી (Instagram Story) મૂકવા જેવી નજીવી બાબતે 19 વર્ષના યુવકની કરૂણ હત્યા કરવામાં આવી છે.

ઘટનાની વિગત: જુહાપુરામાં રહેતા મોહમ્મદસાલિક શેખ (Mohammad Salik Sheikh) અને રેહાન પઠાણ વચ્ચે રમઝાન સમયથી સોશિયલ મીડિયા (Social Media) પર સ્ટોરી મૂકવા બાબતે તકરાર ચાલતી હતી. આ અદાવત રાખીને રેહાને સાલીકને વાત કરવા માટે આયશા મસ્જિદ પાસે બોલાવ્યો હતો. સાલીક તેના મિત્ર કાશીબ સૈયદ સાથે ત્યાં પહોંચ્યો ત્યારે રેહાન અને તેના સાગરીતો ફૈઝલ અને ફૈઝાન પઠાણે તેમના પર હુમલો કર્યો હતો.

મિત્ર પર પણ હુમલો: બંને પક્ષો વચ્ચે ઉગ્ર બોલાચાલી બાદ રેહાને સાલીકના પેટમાં છરીના (Knife) ઘા ઝીંકી દીધા હતા. જ્યારે તેનો મિત્ર કાશીબ વચ્ચે પડ્યો, ત્યારે આરોપીઓએ તેના પર પણ છરી અને પથ્થરથી (Stone) હુમલો કર્યો હતો. લોહીલુહાણ હાલતમાં સાલીકનું હોસ્પિટલ પહોંચતા પહેલા જ મોત નીપજ્યું હતું.

પોલીસ કાર્યવાહી: વેજલપુર પોલીસે (Vejalpur Police) ગણતરીના કલાકોમાં જ એક્શન મોડમાં આવીને મુખ્ય આરોપી રેહાન પઠાણ સહિત ત્રણેય હુમલાખોરોની ધરપકડ (Arrest) કરી લીધી છે. અમદાવાદમાં સતત વધતી ગુનાખોરીએ પોલીસની કામગીરી સામે સવાલો ઉભા કર્યા છે.