શિકાગોમાં મિતેશભાઇ પટેલનું ભવ્ય સ્વાગત

શિકાગો મા આણંદ, બોરસદ, આંકલાવ, ખંભાત, ઉમરેઠ, પેટલાદ અને સોજીત્રા ના
વતની સમાજના આગેવાનો અને પરિવારોને આમંત્રણ અપાયું હતું

બાવીસ ગામ પાટીદાર સમાજ ઓફ નોર્થ અમેરિકાના શિકાગો ચેપ્ટરના પ્રેસિડન્ટ તરીકે મને નેશનલ ઇન્ડિયા હબ ખાતે આણંદ લોકસભા ના
સાંસદ શ્રી મિતેશભાઈ પટેલ (બકાભાઈ) નું સ્વાગત કરવાનો અને ચરોતર વિસ્તાર ના બધા સમાજ ના આગેવાનો ને મળવાનું આયોજન
કરવાનો અવસર મળ્યો હતો એમ રોશન પટેલે જણાવ્યું હતું.
શ્રી મિતેશભાઈ અમેરિકા પ્રવાસ દરમિયાન ગ્રેટર શિકાગો પધાર્યા હતા. મેં અમારા બાવીસ ગામ તથા પાંચ ગામ, ચ ગામ, ચોવીસ ગામ,
મોટી સત્તાવીસ, નાની સત્તાવીસ, તારાપર સમાજ તથા શિકાગો મા આણંદ, બોરસદ, આંકલાવ, ખંભાત, ઉમરેઠ, પેટલાદ અને સોજીત્રા ના
વતની સમાજના આગેવાનો અને પરિવારોને આમંત્રણ આપ્યું, જેથી તેઓ તેમને રૂબરૂ મળી શકે.
અમે ભારત અને અમેરિકાના ધ્વજ સાથે તેમનું સ્વાગત કર્યું.

તેમણે પોતાના સેવાકીય કાર્યો અને ગુજરાતના વિકાસની ગતિ વિશે અમારી સાથે વાત કરી. તેમણે અહીંના પરિવારોને ગુજરાતમાં રોકાણ
કરવા પ્રોત્સાહન આપ્યું અને વાઇબ્રન્ટ ગુજરાત ગ્લોબલ સમિટ ૨૦૨૭માં ભાગ લેવા તથા રાજ્યના વિકાસમાં જોડાવા અમારા ભાઈ-
બહેનો ને આમંત્રણ આપ્યું. સભ્યો એ વિકાસ, રોકાણ અને વતન સાથેના સેતુ અંગે પ્રશ્નો પૂછ્યા. તેમના જવાબો સ્પષ્ટ હતા અને સભા
સંતોષ સાથે પૂરી થઈ હતી.
હબમાં જોડાયેલા સૌનો, અને અમારા શિકાગો મા વસતા બધા ગુજરાતીયો ને સમય આપવા બદલ શ્રી મિતેશભાઈનો બાવીસ ગામ પાટીદાર સમાજ ઓફ નોર્થ અમેરિકાના શિકાગો ચેપ્ટરના પ્રેસિડેન્ટ રોશન પટેલે આભાર માન્યો હતો.