ડો. એચ. એલ. ત્રિવેદી પુસ્તકાલયનું લોકાર્પણ

ચરાડવા ખાતે પૂજ્ય ભાઈશ્રી રમેશભાઈ ઓઝાના હસ્તે જગદીશ ત્રિવેદી દ્વારા નિર્મિત ડો. એચ. એલ. ત્રિવેદી પુસ્તકાલયનું લોકાર્પણ
———————————————
આજે તા.૦૫/૧૦/૨૬ સોમવારે સાંજે હળવદ તાલુકાના ચરાડવા ગામે જ્યાં પદ્મશ્રી ડો. એચ. એલ. ત્રિવેદીનો જન્મ થયો હતો એ મકાનમાં ડૉં. જગદીશ ત્રિવેદી દ્રારા નિર્મિત પુસ્તકાલયનું ભાગવતકથાકાર પૂજ્ય ભાઈશ્રી રમેશભાઈ ઓઝાના વરદ હસ્તે લોકાર્પણ થયું હતું.

આ પ્રસંગે ડો. એચ. એલ. ત્રિવેદીના ધર્મપત્ની સુનિતાબહેન ત્રિવેદી, લાયબ્રેરીના દાતા પદ્મશ્રી ડો. જગદીશ ત્રિવેદી, સાંસદ શ્રી ચંદુભાઈ શિહોરા, ધારાસભ્ય શ્રી પ્રકાશભાઈ વરમોરા, જાણીતા હાસ્યકલાકાર પદ્મશ્રી શાહબુદીન રાઠોડ , ચિલ્ડ્રન યુનિવર્સિટી ગાંધીનગરના કુલપતિ શ્રી ટી. એસ. જોષી, નરસિંહ મહેતા યુનિવર્સિટીના પૂર્વ કુલપતિ ડો. ચેતનભાઈ ત્રિવેદી તેમજ અંગદાન ચેરીટેબલ ટ્રસ્ટના દિલીપભાઈ દેશમુખ તેમજ મોટી સંખ્યામાં ગ્રામજનો ઉપસ્થિત રહ્યા હતા.
ડો. એચ એલ ત્રિવેદી જ્યારે હૈયાત હતા ત્યારે એમની ઈચ્છા હતી કે એમના પિતૃક મકાનમાં એક સાર્વજનિક પુસ્તકાલય બને જે ઈચ્છા જગદીશ ત્રિવેદી દ્વારા પુરી કરવામાં આવી હતી. જગદીશ ત્રિવેદી દ્રારા નિર્મિત આ અગીયારમું પુસ્તકાલય છે.