એશિયન ગેમ્સમાં સોનમ ઉત્તમ મસ્કરને સિલ્વર મેડલ

એશિયન ગેમ્સ 2026માં મહિલા 10 મીટર એર રાઇફલ ટીમ સ્પર્ધામાં સોનમ ઉત્તમ મસ્કરને સિલ્વર મેડલ

વેસ્ટર્ન રેલવેની શૂટર કુમારી સોનમ ઉત્તમ મસ્કરએ એશિયન ગેમ્સ 2026માં મહિલા 10 મીટર એર રાઇફલ ટીમ સ્પર્ધામાં ભારત માટે સિલ્વર મેડલ જીતીને દેશ અને વેસ્ટર્ન રેલવેનું નામ રોશન કર્યું છે. ભારતીય ટીમે 1898.0 પોઈન્ટના સંયુક્ત સ્કોર સાથે આ સ્પર્ધામાં સિલ્વર મેડલ મેળવ્યો હતો.

વેસ્ટર્ન રેલવેના મુખ્ય જનસંપર્ક અધિકારી શ્રી વિનીત અભિષેક દ્વારા બહાર પાડવામાં આવેલી એક અખબારી યાદી મુજબ, વેસ્ટર્ન રેલવેની ચર્ચગેટ સ્થિત હેડક્વાર્ટર ઓફિસમાં કાર્યરત કુમારી મસ્કરએ ટીમ સ્પર્ધામાં શાનદાર પ્રદર્શન કર્યું હતું. તેમણે 634.1 પોઈન્ટ મેળવ્યા, જે ભારતીય ટીમના સભ્યોમાં સૌથી વધુ સ્કોર રહ્યો હતો. તેમના આ શ્રેષ્ઠ પ્રદર્શને ભારતને આ સ્પર્ધામાં સિલ્વર મેડલ અપાવવામાં મહત્વપૂર્ણ યોગદાન આપ્યું હતું.

કુમારી મસ્કરએ મહિલા 10 મીટર એર રાઇફલ વ્યક્તિગત ફાઇનલમાં પણ પોતાની છાપ છોડી અને શાનદાર પ્રદર્શન કર્યું હતું.

એશિયન ગેમ્સ 2026માં કુમારી મસ્કરની આ નોંધપાત્ર સિદ્ધિ પર વેસ્ટર્ન રેલવેને ગર્વ છે. વેસ્ટર્ન રેલવે અને વેસ્ટર્ન રેલવે સ્પોર્ટ્સ એસોસિએશને તેમના પ્રશંસનીય પ્રદર્શન બદલ તેમને અભિનંદન પાઠવ્યા છે અને આગામી સ્પર્ધાઓ તથા સ્પર્ધાત્મક આયોજનોમાં તેમની સતત સફળતા માટે શુભેચ્છાઓ પાઠવી છે.