White House Shooting | અમેરિકા (America) ના વોશિંગ્ટન ડીસી (Washington DC) માં વ્હાઇટ હાઉસ (White House) ની સુરક્ષામાં મોટી ચૂક સામે આવતા ખળભળાટ મચી ગયો છે.
અમેરિકાના સમય મુજબ બપોરે 3:30 વાગ્યે એક શંકાસ્પદ હથિયારધારી વ્યક્તિએ વ્હાઇટ હાઉસની બહાર પેટ્રોલિંગ કરી રહેલા સીક્રેટ સર્વિસ (Secret Service) ના જવાનો પર અચાનક ગોળીબાર શરૂ કર્યો હતો.
ફિલ્મી સ્ટાઈલમાં થયેલા આ સામસામે ફાયરિંગ (Firing) ના કારણે વ્હાઇટ હાઉસમાં તાત્કાલિક લોકડાઉન (Lockdown) લાગુ કરવાની ફરજ પડી હતી.
જ્યારે સીક્રેટ સર્વિસના અધિકારીઓએ શંકાસ્પદ વ્યક્તિની પૂછપરછ કરવાનો પ્રયાસ કર્યો, ત્યારે તે ભાગવા લાગ્યો હતો અને પોતાની ગન (Gun) કાઢી ગોળીઓ વરસાવી હતી.
વળતા જવાબમાં સુરક્ષાકર્મીઓએ કરેલા એન્કાઉન્ટર (Encounter) માં હુમલાખોર ગંભીર રીતે ઘાયલ થયો હતો, જેને સારવાર માટે હોસ્પિટલ ખસેડવામાં આવ્યો છે.
આ હિંસક ઘટના દરમિયાન ત્યાંથી પસાર થઈ રહેલો 1 નિર્દોષ સગીર (Minor) બાળક પણ ઇજાગ્રસ્ત થયો હતો. પ્રાથમિક તપાસમાં જાણવા મળ્યું છે કે બાળકને હુમલાખોરની ગોળી વાગી હતી, જોકે તેની સ્થિતિ હાલ સ્થિર છે.
ઘટના બાદ મેટ્રોપોલિટન પોલીસ ડિપાર્ટમેન્ટ (Metropolitan Police Department) દ્વારા તપાસના આદેશ આપવામાં આવ્યા છે.
પ્રમુખ ડોનાલ્ડ ટ્રમ્પ (Donald Trump) ની સુરક્ષાને ધ્યાનમાં રાખી પત્રકારોને પણ સુરક્ષિત સ્થળે ખસેડાયા હતા. જોકે, ગણતરીની મિનિટોમાં સ્થિતિ કાબૂમાં આવતા લોકડાઉન હટાવી લેવાયું હતું. ટ્રમ્પે પાછળથી પૂર્વનિર્ધારિત કાર્યક્રમમાં હાજરી આપી ખાતરી આપી હતી કે વોશિંગ્ટન સુરક્ષિત છે.
હાલમાં આ હુમલો ટ્રમ્પ પર હતો કે નહીં તેના કોઈ પુરાવા મળ્યા નથી, પરંતુ સમગ્ર વિસ્તારમાં હાઈ એલર્ટ (High Alert) જાહેર કરાયું છે.
