વેનેઝુએલામાં એક મિનિટમાં 7.1 અને 7.5ની તીવ્રતાના બે ભૂકંપથી ભારે તબાહી, હજારો લોકોના મોતની આશંકા

Venezuela Earthquake | દક્ષિણ અમેરિકાના દેશ વેનેઝુએલામાં (Venezuela) બુધવારે એક અત્યંત વિનાશક ભૂકંપ (Earthquake) ત્રાટક્યો છે. અમેરિકન ભૂસ્તરશાસ્ત્રીય સર્વેક્ષણ – USGS (United States Geological Survey) ના અહેવાલ અનુસાર, માત્ર 40 સેકન્ડના અંતરાલમાં બે પ્રચંડ આંચકા અનુભવાયા હતા.

પ્રથમ 7.1 ની તીવ્રતાનો આંચકો એક ‘ફોરશૉક’ (Foreshock) હતો, જેના બરાબર બાદ 7.5 ની તીવ્રતાનો મુખ્ય ભૂકંપ (Mainshock) આવ્યો હતો. આ આપત્તિમાં 10,000થી લઈને 1,00,000 લોકોના મોત થવાની ભયાનક આશંકા વ્યક્ત કરવામાં આવી રહી છે.

ભૂકંપનું કેન્દ્રબિંદુ મૌન્ટાલ્બાનથી (Montalban) 28 કિલોમીટર દૂર નોંધાયું હતું. તેના જોરદાર આંચકા 1,700 કિલોમીટર દૂર આવેલા બ્રાઝિલ (Brazil) સુધી અનુભવાયા હતા. રાજધાની કરાકસ (Caracas) સહિત અનેક શહેરોમાં બહુમાળી ઇમારતો (Buildings) ધરાશાયી થઈ ગઈ છે.

કાર્યવાહક રાષ્ટ્રપતિ ડેલ્સી રોડ્રિગ્ઝે (Delcy Rodriguez) હાલમાં 32 લોકોના મોત અને 700 થી વધુ લોકો ઘાયલ થયાની સત્તાવાર પુષ્ટિ કરી છે, પરંતુ આ આંકડો ખૂબ મોટો હોઈ શકે છે.

આ આપત્તિ બાદ દેશમાં સેલફોન નેટવર્ક (Network) ઠપ થઈ ગયું છે અને કટોકટી (Emergency) જાહેર કરવામાં આવી છે. એરપોર્ટ (Airport), ટ્રેન અને મેટ્રો સર્વિસ (Metro Service) હાલ પૂરતી બંધ કરી દેવાઈ છે.

જોકે, રાહતની વાત એ છે કે દેશના ઓઈલ રિફાઈનરી (Oil Refinery) અને તેલ ઉત્પાદનને કોઈ નુકસાન થયું નથી. પેસિફિક સુનામી વોર્નિંગ સેન્ટરે (Pacific Tsunami Warning Center) શરૂઆતમાં પ્યુર્તો રિકો (Puerto Rico) માટે સુનામી એલર્ટ (Tsunami Alert) જાહેર કર્યું હતું, જે પાછળથી પાછું ખેંચી લેવાયું છે.

અમેરિકા (USA), મેક્સિકો (Mexico) અને ચીન (China) સહિતના દેશોએ વેનેઝુએલાની મદદ માટે સર્ચ એન્ડ રેસ્ક્યુ ટીમ (Search and Rescue Team) મોકલી છે.